Popular Bible Verses from Roman 1

Share

Ka mbə mə̀ nɨ ɨ̀sɨŋnə̀ mbə̀ʼə ntwuumə̀ ghù ɨ̀shìʼnə̀ ntiinə ɨ chyə̂ mbə la mɨ̀tɨ̀ŋnə̀ mɨ Nẅùə̀ nɨ ɨ wa nchwarə̀ pànə̀ pɨ̀tsùmə̀ pyə̀ nɨ pobə nùŋə̀nə ntɨŋmə̀ aŋunə Kristù; mbìʼnə̀ aŋunə pɨ̀Jew ntyiʼə̀ ndèrə̀ aŋunə pànə̀ nɨ ka pobə pə ghobə pɨ̀Jew.

Ntwuumə̀ ghù ɨ̀shìʼnə̀ wa nnèrə̀ àlàŋə nɨ pànə̀ təəmə̀nə ndəŋə ndəŋə a mbyə̀ ze a nɨ pìʼnə̀ aŋunə àpyiimə̀ ntɨŋmə̀ ngə̀ ndẅùunə̀ aŋunə àpyiimə̀ ntɨŋmə̀. Àŋwàʼnə̀ Nẅùə̀ a shwəŋə̀ lo; “Ŋònə̀ nɨ a làŋə̀nə a ndzùmə̀ àpyiimə̀ ntɨŋmə̀ ngɨ̀rə̀ ànwùə̀ yè təəmə̀nə la, a ghǎ chyə̂.”

A nɨ pìʼnə̀ tsaʼnə Nẅùə̀ à lə̀ tsùŋə̀nə àtwuə̀ ɨ̀shyə̂ zə̀ la, mbòomə Nẅùə̀ nɨ ka pɨ mə ndzəənə̀ e pobə mɨ̀tɨ̀ŋnə̀ ɨ̀me nɨ mɨ ghoŋə̀nə nɨ nkuŋə̀, farə tsaʼnə à kɨnə mbə Nẅùə̀ la, a lanə nfurə̀ ndaanə̀ ambo pànə̀ tsaʼnə pobə zəənə̀nə aŋunə ɨ̀pwuumə̀ nɨ Nẅùə̀ àtwuə̀ ɨ̀pɨ̀ŋmə̀ e a tsùŋə̀nə. Ka pobə pə a ghobə nɨ ànwùə̀ àtse yè nyaanə a nɨ shwəŋə̀.

Mbaa pə tsaʼnə pobə lə̀ zhyə̂nə a Nẅùə̀ la, ka pobə lə̀ ghuʼtə̀ a ghobə a ye tsaʼa Nẅùə̀, ka kɨ ŋâ a ghobə mɨyàa ambo ze. Pobə lə̀ kwàŋə̀ pə ɨ̀kɨ̀ghə̀ mɨ̀nwùə̀ amwuə mɨ̀ntɨŋmə̀ ɨ̀mobə, lenəla, ngwùʼnə̀ a mèrə.

Pobə lòo nkǔŋə nkuŋə mbə̀ʼə Nẅùə̀ mbə̀ŋə̀ a tyiʼə̀ pɨ̀chwìrə̀. Pobə pa nguʼtə̀ nkɨ nfàʼà pə ambo ɨ̀pwuumə̀ pyə̀ nɨ Nẅùə̀ a tsùŋə̀nə la ngwaʼà a Nẅùə̀ nɨ à tsùŋə̀nə ɨ̀pwuumə̀ pɨ̀ghu, mbə nɨ àghuʼtə̀ nɨ a ghoŋə̀nə nɨ nkuŋə̀ la! Amen.

Nẅùə̀ à lanə nnèrə̀ àtsə̂ ntɨŋmə̀ nɨ̀pwuurə̀ aŋunə pànə̀ pɨ̀tsùmə̀ nɨ pobə twuunə̀nə a ghobə ànwùə̀ e ngɨ̀rə̀ mɨ̀nwùə̀ mɨ tɨ̀pòŋə̀; tɨ̀pòŋə̀ ɨ̀ghobə a tyiʼə̀ nnàanə̀ lo kò pànə̀ tə nzhyə̂ a ghobə a nkǔŋə nkuŋə.

Mbəʼnə ɨ̀pwuumə̀ pèrə pə ɨ ghɨ̀rə̀ Nẅùə̀ a myàʼtə̀ a ghobə lo pobə̂ tə ngɨ̀rə̀ ɨ̀nwùə̀ ɨ̀sɨŋnə̀ pyə̀ nɨ pobə pa ngyìi la. Pə̀ngyə̌ ɨ̀pobə myàʼtə̀ a nɨ lyə̂ pobə pɨ mbyàŋnə̀ ntyiʼə̀ ndyə̂ nɨ pə̀ngyə̌. Mbyàŋnə̀ kɨ mmyàʼtə̀ a nɨ lyə̂ nɨ pə̀ngyə̌ ntyiʼə̀ ndyə̂ nɨ yɨ̀tse mbyàŋnə̀. Pobə pə ngɨ̀rə̀ ɨ̀fèrə̀ mɨ̀nwùə̀ pobə yɨ̀tse mbyàŋnə̀ ntyiʼə̀ nchyâ ɨ̀sàʼa Nẅùə̀ aŋunə pobə ntii mɨ̀nwùə̀ mɨ ɨ̀sɨŋnə̀ nɨ pobə ghɨ̀rə̀nə. Tsaʼnə pobə lə̀ twuunə̀nə a ghobə a nɨ zùŋə̀ nkǔŋə nkuŋə mbə̀ʼə Nẅùə̀ la, Nẅùə̀ a waʼà a ghobə amwuə ɨ̀nwùə̀ ntsɨ̀ŋnə pobə ɨ̀kwàŋə̀ ɨ̀pobə lo pobə tyiʼə̀ ngɨ̀rə̀ mɨ̀nwùə̀ nɨ ka pobə lə̀ pə ghɨ̀rə̀ a ghobə.

Pobə lə̀ lòo mbɨ̀ŋmə̀ ɨ̀zobə pə aŋunə ngàŋə àzhìʼtə̀, la mbə ɨ̀puukə̀. Ambo pobə a nɨ ghuʼtə̀ pə a Nẅùə̀ nɨ a ghoŋə̀nə nɨ nkuŋə̀, pobə ghuʼtə̀ pə ɨ̀pwuumə̀ nɨ pèrə shwuə̀nə a ŋwùə̀ mɨsoŋə nɨ à ghǎ kwɨghə̀, kə̀ pɨ̀sɨ̀ŋə nɨ mɨ̀nyàamə̀, kə̀ mɨ̀nyàamə̀ nɨ mɨ shwuə̀nə àngwaŋəngwaŋə mɨ̀ghòorə.