Popular Bible Verses from Апостол Якъубэ тхылъэу ытхыгъэр 2

Share

ШӀошъхъуныгъэм иӀоф ащ фэд. ШӀу зымышӀэрэм ишӀошъхъуныгъэ лӀагъэм фэд.

Аущтэу псэ зимыӀэ пкъыр зэрэлӀагъэм фэдэу, шӀушӀагъэхэр зимыгъусэ шӀошъхъуныгъэри лӀагъэм фэд.

Сшыхэр, зыгорэм шӀу ымышӀэу, «шӀошъхъуныгъэ сиӀ» ыӀомэ, сыда ащ ишӀуагъэу къэкӀощтыр? Ащ фэдэ шӀошъхъуныгъэм а цӀыфыр мыкӀодэу къыгъэнэжьын ылъэкӀына?

Зы Тхьэ нахь зэрэщымыӀэмкӀэ шӀошъхъуныгъэ уиӀ. Ар дэгъу. ДжынапцӀэхэми ар ашӀошъ мэхъушъ, мэкӀэзэзых.

Ау зыгорэм къыӀонкӀи мэхъу: – Зы цӀыфым шӀошъхъуныгъэ иӀ, адрэм шӀушӀагъэхэр иӀ. Ащ фэдэ цӀыфым сэ есӀон: – ШӀушӀагъэхэр зимыгъусэ шӀошъхъуныгъэу зыфапӀорэр сэгъэлъэгъу, шӀоу сшӀэхэрэмкӀэ сишӀошъхъуныгъэ озгъэлъэгъущт.

Сыда пӀомэ, гукӀэгъу зыгу имылъым Тхьэм гукӀэгъу фимышӀэу хьыкум тыришӀыхьащт. Ау гукӀэгъур гъэмысэным текӀощт.

Аущтэу шъолъэгъуба, цӀыфым шӀошъхъуныгъэ зэриӀэм имызакъоу шӀу зэришӀэрэри ары Тхьэм ежь дэжькӀэ ащ шъыпкъагъэ иӀэу зыкӀилъытэрэр?

Аущтэу Ибрахьимэ ишӀошъхъуныгъэрэ ишӀушӀагъэхэмрэ зэрэзэгъусагъэхэр олъэгъу. Ибрахьимэ ишӀушӀагъэхэр ары ишӀошъхъуныгъэ изгъэкъугъэхэр.