Popular Bible Verses from Röm 8

Share

Ngɑ̈nyi yi wɑ kinni, Jwøk göög ɑ kyeel geki tyëng-ɑ mɑɑrii, gen ɑ ji-ɑ ɑ́cwøle kipe gïn-ɑ dwɑdde.

Mɑ́ yɑ ngɑ̈ny wøw kinni bong gïn cuggi dɑ̈ɑ̈ngi wɑ ki mɑ̈ɑ̈dø mee: wɑ pɑ cuggi dɑ̈ɑ̈ngø yi thøø wɑlɑ̀ nënnì; wɑ pɑ cuggi dɑ̈ɑ̈ngø yi wëywödd wɑlɑ̀ jɑggi wëywödd; wɑ pɑ cuggi dɑ̈ɑ̈ngø yi bøli keny ɑnɑn wɑlɑ̀ dhuki megø; wɑ pɑ cuggi dɑ̈ɑ̈ngø yi mɑl wɑlɑ̀ piny; bong gïïpiny kì ri gïg-ɑ ɑ́cwɑ̈j bënn, me cuggi dɑ̈ɑ̈ngi wɑ ki mɑ̈ɑ̈dø mi Jwøk kì ri Wë Yëso Mesiy.

O Wëy nyi bï-ɑ be kønyi wɑ thyew kì bɑng nyødhee. Mɑ́ wɑ kwïj kwɑ̈jjø kidøøj; Wëy kiree kwɑjj-ɑ Jwøk kiperee ki orɑng me pɑ cuggi kwøbø.

Kɑ̀ bëëd møgɑni bënn kinøw, wɑ kööb ɑ dï? Keløg wɑ bɑ ɑcwɑg yi Jwøk, ɑ́ men ɑ cuggi tøønyi wɑ?

Anɑn, bong cɑ́yi Jwøk men-ɑ óyod yi tyëng-ɑ ɑ́yïëy Yëso Mesiy.

Ngɑn-ɑ nyi cïb rumme kömi orøg, bɑ en ɑ óthøw. De ngɑn-ɑ nyi cïb rumme kömi kwøbbi Wëy, bɑ en ɑ ómërri ki Jwøk, kɑ óyïddø ki nënn-ɑ ɑtheer.

Cɑgg wɑ rɑngø, wɑ ótyɑ̈mø ceth ki nyingi ngɑn-ɑ ɑ́mɑɑr wɑ.

Orɑng-ɑ rɑngi wɑ ɑnɑn rømmi yi yɑn kinni pɑ cuggi kyëëwø ki dhwɑ̈ng men-ɑ ónënni kì riee.

Á men ɑ cuggi dɑ̈ɑ̈ngi wɑ ki mɑ̈ɑ̈dø mi Mesiy? Wɑ ócuggø dɑ̈ɑ̈ngø ki en yi ɑkørr, wɑlɑ̀ orɑng, wɑlɑ̀ guudi nying, wɑlɑ̀ kɑ̈j, wɑlɑ̀ cyɑ̈dhi nøw, wɑlɑ̀ böögø, wɑlɑ̀ thøø?

O Jwøk ngɑn-ɑ nyi nenni yethi pëthee, rumm-ɑ rømmi yi Wëy ngɑ̈nyi yi en; mɑ́ Wëy nyi ceg-ɑ odhɑm kì bøli Jwøk kipe jie, e kwɑjj-ɑ møg-ɑ kyëëw ki gïn-ɑ dwɑddi yi Jwøk ceth.

Tyëng-ɑ pyejji yi Wëyi Jwøk, ge bɑ nyigi Jwøk.

Tyëng-ɑ nyi cyɑ̈dhi kì bɑng orøng-ɑ nyi kɑ̈ɑ̈l ri bëëdi dhɑnhø, nyi mïdh-ɑ kwøbbɑni ceth. De tyëng-ɑ nyi bëëdø kì bɑng Wëy nyi mïdh-ɑ kwøbbi Wëyɑni ceth.

O men-ɑ́ Jwøk, ɑ nuti mɑ̈ɑ̈n Wɑ̈de, de gø ɑ́muuje kɑ nɑ̈g kiperee wɑ bënn, dɑ gïn-ɑ ómɑ̈ɑ̈ne wɑ këti?

Wëyi Jwøk ceg-ɑ rëbø ki wëyee, o ge kööb gen kinni, wɑ bɑ nyigi Jwøk. Kɑ̀ bëëd wɑ, wɑ bɑ nyigi Jwøk, gyëdhh-ɑ mïdhe gɑ mø jie ókwɑny yi wɑ; o møg-ɑ ɑ́mïdhi yi Jwøk gɑ mø Mesiy, ókwɑny yi wɑki Mesiy. Mɑ́ keløg wɑ orɑngø kyeel ki Mesiy, dhwɑ̈nge ónywɑg yi wɑ ki en thyew.

Ji nyii göögø ge mɑ̈n ki Jwøk, kenyi jɑɑg gen yi dëlli gen; mɑ́ ciggi Jwøk pɑ mïdhi yi gen, o ge pɑ cuggi mïdhi yi gen kidyër.

Jɑmm-ɑ ɑ́cwɑ̈j yi Jwøk bënn yïd-ɑ bøli keny-ɑ ónyodh Jwøk nyige.

Mɑ́ e ngɑ̈nyi yi wɑ kinni gïg-ɑ ɑ́cwɑ̈j ɑ́wöni ge ceg-ɑ orɑng ki orɑng me dhøge ledh, ni rɑ̈ɑ̈m pɑ̈dhi piny.