Popular Bible Verses from Röm 5

Share

De wɑ ɑ́nyudhi yi Jwøk ki kër-ɑ mɑɑre wɑ; Mesiy ɑ́thøw kiperee wɑ nudd wɑ bɑ tyëngorøg.

O wɑ̈thee koo wëggi lɑ̈ɑ̈yø yi gɑ̈ɑ̈nø menɑni, mɑ́ Jwøk mɑ̈ɑ̈dø mee ɑ́kønye yethi pëthee kì ri Wëykwërø, ɑ ɑ́mëggi wɑ yi Jwøk.

O pëthee nyi bëëd ge med kenyi bëën kömee yi ɑkørr, mɑ́ ɑkørr nyi nywøl-ɑ ngïïnø, o ngïïnø nyi nywøl-ɑ yïëyi dhɑnhø yi Jwøk, o yïëyi dhɑnhø yi Jwøk nyi nywøl-ɑ gɑ̈ɑ̈nø.

Anɑn kɑ ɑ́gwøøg wɑ, wɑ tir yi Jwøk kì ri yïëyø, wɑ ɑ́yïddi ki mër kì kɑɑmee ki en, kì ri Wë Yëso Mesiy. O bɑ ree ɑ ɑ́kïdhi wɑ yij dhwɑ̈ngɑni ki yïëyø, o bɑ yij yïëyø menɑni ɑ bëëd yi wɑ kì yij cɑɑr Jwøk.

Mɑ́ e bɑ bøli keny-ɑ ɑ́bëëd wɑ nudd wɑ nyøødh cøn, ɑ ɑ́thøw Mesiy kipe tyëngorøg kì bøli keny-ɑ ɑ́cïb yi Jwøk.

Wɑ ɑ́reb ki Jwøk yi reme; o wɑ bɑ møg yiel yi en ceth ki cɑ́yi Jwøk møg-ɑ di bï kömee.

Cøn, ji mø gïïr ɑ́cwølli gɑ tyëngorøg kì bɑng pëëmi dhɑnhø ɑ́kyel. Nɑ menɑni thyew, ji mø gïïr ócwølli gɑ tyëngtir kì bɑng dhɑnhø ɑ́kyel me pɑ pëmø.

Pëthee ceg-ɑ medø thyew kipe gïn-ɑ ɑ́gwøg yi Jwøk kì ri Wë Yëso Mesiy, ngɑn-ɑ ɑ́reb wɑ ki Jwøk.