Popular Bible Verses from Röm 10

Share

Keløg yï okööbø kì bøli teedø kinni Yëso bɑ Wë, kɑ yï oyïëyø ki pyëwí kinni ɑ́tug yi Jwøk kì yij thøø, yï óyiel.

Mɑ́ bɑng yïëyø miee, ɑ yïëëy wɑ yi Jwøk kinni wɑ tir; o wɑ yiel-ɑ bɑng kɑ̀ kwøb wɑ møgɑni kì bøli teedø.

Kɑ̀ bëëde kinøw, yïëyø nyi kɑ̈ɑ̈l-ɑ ri lïngi wöödø, o wöödø nyi kɑ̈ɑ̈l-ɑ ri pwönyi kwøbbi Mesiy.

Mɑ́ wɑ̈nyi kwërø okööbø kinni, “Ngɑn-ɑ yïëyii, wïje koo lɑ̈ɑ̈y.” Menɑni wɑng-ɑ dhɑnhø bëne, mɑ́ bong gïn bɑ̈ɑ̈n kì kelli Yeud ki tyëng Yönɑn. Mɑ́ Jwøk bɑ Wïi gen bënn; gyëdhhe nyi mëgge’ tyëng-ɑ kwɑjjii bënn. Nɑ møg-ɑ kømmi yi wɑ̈nyi kwërø kinni, “Ngɑn-ɑ kwɑ̈jji ki nyingi Wë, óyiel.”

O wöödø ópwönyi kidï, keløg e tyëngwöödø nuti örø? Møgɑni nɑ møg-ɑ kømmi yi wɑ̈nyi kwërø kinni, “Tyëng-ɑ nyi kɑ̈lli Wöndøj, nyi muuj-ɑ teedø ki medi pëëth.”

De ókwɑjji yi gen kidï, keløg ge nuti yïëyø? O ge óyïëy kidï, keløg wöödø nuti lïngø yi gen? O ge ólïngø kidï keløg ge nuti pwönyø?

Bëëdø menɑni bɑ kinni Cigg ɑ́ködd-ɑ ri Mesiy; o ngɑn yïëyii ceg-ɑ gwøg e tir kì yï Jwøk.