Popular Bible Verses from Kwɑn 14

Share

Wu ko ngɑ̈nyi wɑ̈yi wun, Jwøng-ɑ Ácwɑ̈ɑ̈j ko wiy wun. O wu ko böggi yi tyëng pinyɑni, mɑ́ ge ótyɑm yi wɑ ceth. Jwøng-ɑ Ácwɑ̈ɑ̈j ying-ɑ tungee, o jwöggi gen ɑ́rum ki tyɑmø yi en, wu ko böggi.”

‘Yɑn, yɑ Jwøng-ɑ Ácwɑ̈ɑ̈j, yɑ pɑ nyi jwɑn ki mɑgø yi liny, o mɑ̈ɑ̈dø miɑ geki lɑ̈mpyëwɑ pɑ nyi thumi; pyëwɑ nyii lɑ̈ɑ̈mø ki orøg geki pëëmø. De ngɑn-ɑ ɑ́røngi pɑ nyi bødh ki cɑyø yi yɑn kì ri wëëg gïti ri ngween rïjj.’

Keløg Jwøng-ɑ Ácwɑ̈ɑ̈j pyëwe med ki wɑ, wɑ ókïdhe kunɑni kɑ pinyɑni mëgge wɑ, eni piny-ɑ yije mulli yi cɑg geki møøw kïc.

De bɑ̈ngɑ Kɑlib, mɑ́ pyëwe ying-ɑ wɑ̈ye, kɑ ocögø e gɑ̈n-ɑ yɑn, en ɑ ókïdhɑ piny-ɑ ɑ́lyeew yi en, o pinyɑni ólɑg yi kwɑrre.

Anɑn köbbí gen kinni, Yɑ ɑ́köngi, ni kɑ̀ nëënɑ, wu göggɑ’ gïn-ɑ ɑ́lïngɑ kì yï wun ceth. Yɑn ɑ kööbø, yɑ Jwøng-ɑ Ácwɑ̈ɑ̈j.

Kɑ Mosɑ̀ köbbi yi Jwøng-ɑ Ácwɑ̈ɑ̈j kinni, “Yɑ gït-ɑ wɑɑng yɑ obɑnyø yi ji møg? Ge gït-ɑ wɑɑng yɑ pɑ gɑ̈n yi gen, e men-ɑ́ yɑ ɑ́göög ki gïïngɑ̈ngø mø ngenyø kì bøli gen?

Ge ɑ́köör kì ri Mosɑ̀ kí Aɑron ge okööbø kinni, “Lɑ̈w ke di thøw wøn kì Rïp, wɑlɑ̀ lɑ̈w ke thøw wøn kì pɑ̈l men.

kɑ Jöcwø wɑ̈d Nun geki Kɑlib wɑ̈d Yepunɑ̀, ɑ ɑ́ying kelli jøg-ɑ ɑ́kedhi be lyewwi piny, ógudhi gen kɑggi gen yi rɑ̈ɑ̈m pëthi gen, kɑ teedø köbbi gen kinni, “Piny-ɑ ɑ́lyeew yi wøn bɑ piny me døøj cɑrø.

De yɑn ɑ köngi èn, yɑn ɑ nëënø, ni kɑ̀ pɑ̈ɑ̈ng kömi piny bëne yi mɑ̈rɑ, bong dhɑnhø kì kelli ji møg men-ɑ ókedhi pinyɑni. Mɑ̈rɑ ɑ́lidh yi gen, kí gïïngɑ̈ngø møg-ɑ ɑ́gwøgɑ kì Rïp geki yij ryɑng, de yɑ nyii rɑngø yi gen, kɑ ge óbɑ̈nyø ki lïngi kwøbbɑ. Ge pɑ kedhi piny-ɑ ɑ́köbbɑ kweyyi gen kinni ómëggɑ gen. Bong dhɑnhø kì kelli ji-ɑ ɑ́bɑny yɑn ek, men-ɑ ókedhi pinyɑni.