Popular Bible Verses from Kedhø 16

Share

Gï ɑ́köbbi gen kinni, “Di bëëd e lɑ̈w ke di nɑ̈ɑ̈g wøn yi Jwøng-ɑ Ácwɑ̈ɑ̈j kì piny Rïp. Ádɑ rïngø me nyi cɑm yi wøn, gïg-ɑ dwɑddi cɑmø yi wøn bënn nyii yodø yi wøn. De wu ɑ́kɑ̈ɑ̈l-ɑ wøn yij pɑ̈l keny kipe kinni, o wø thøw wøn yi kɑ̈j kì yije.” Kɑ Mosɑ̀ köbbi yi Jwøng-ɑ Ácwɑ̈ɑ̈j kinni, “Gïncɑm ógöjjɑ dyëmø kì mɑl ni kødh, ɑ́ men cɑm yi wun, wu bënn. Nyi kedhi ji be gwen kì tøggi kɑɑl ki gïn-ɑ cɑm yi gen yethi cyɑ̈ng bënn. Yɑ dwɑdd-ɑ lïdhø men-ɑ ógöög ji ki gïn-ɑ pwönyɑ gen.

Kɑ tyëng Isrɑil göny-ɑ yï Mosɑ̀ geki Aɑron kì yij pɑ̈l.

Kɑ Mosɑ̀ okööbø kinni, “Wu óthödhi yi Jwøng-ɑ Ácwɑ̈ɑ̈j ki rïngø men cɑm yi wun, kì böörø yethi cyɑ̈ng. O kì mwøl yethi cyɑ̈ng, wu óthödhi yi en ki gïncɑm men-ɑ dwɑddi yi wun. Mɑ́ wu ɑ́lïngi yi en keny-ɑ ɑ́köör wun kì ree. Wu nuti köör ɑ riɑ wøki Aɑron, mɑ́ per wøn bogøn, wu ɑ́köör ɑ ri Jwøng-ɑ Ácwɑ̈ɑ̈j.”

“Køør tyëng Isrɑil ɑ́lïngi yi yɑn; de köbbí gen kinni, kì böörø wu ócyɑ̈mø ki rïngø, o kì mwøl wu ócyɑ̈mø ki gïncɑm kì yethi cyɑ̈ng bënn. O yod yi wun kì bɑng møgɑni kinni bene yɑn Jwøøg wun, Jwøng-ɑ Ácwɑ̈ɑ̈j.”