Popular Bible Verses from Röm 8

Share

Ŋäc kɔn ɛ rɛy kä ti diaal, i̱ lät Kuoth kɛ kui̱ gɔɔyä nɛɛni tin nhɔakɛ jɛ, tin ca cɔl ce̱tkɛ luɔtdɛ.

Kɛ ɣöö ŋa̱cä jɛ ɛpuc pa̱ny ɛn ɣöö cäŋɛ lia̱a̱, kiɛ tëk, ja̱a̱k nhial, ruac kua̱ri, ŋɔaani ti te thi̱n, kɛnɛ ŋɔaani tin bi ben, kiɛ tin te lua̱ŋ, kiɛ mi te ni nhial, kiɛ mi te ni piny i̱, kiɛ mi dɔ̱ŋ rɛy cäkä kɛɛliw, thilɛ duɔ̱ɔ̱r mi bi kɔn da̱a̱k kä nhök Kuɔth rɛy Kritho Yecu Kuääran!

Inɔ bä, luäk Yiëë kɔn kɛ kɔ̱a̱cdan, kɛ ɣöö kui̱c kɔn pal in dee pal kɛ kɔn, kä Yiëë puɔ̱nydɛ palɛ kɛ kui̱dan kɛ jɔw jiɛthä lɔaac mi leny rieet.

Banɛ ŋu kulɛ lar kɛ kui̱ ŋɔaani ti̱ti̱? Mi te Kuoth kɛɛl kɛ kɔn, ɛŋa te gɛ̈m kɛ kɔn ɔ?

Kɛ kui̱ ɛmɔ, thilɛ kuëth täämɛ kä nɛy tin te rɛy Kritho Yecu.

Läth cärä wec kä nyin ri̱eŋ ɛ lia̱a̱, kä läth cärä wec kä nyin Yieekä ɛ tëk kɛnɛ mal.

Ëëy, rɛy ŋɔaani diaal ti̱ti̱ leny kɔn nɛy tin pua̱tkɛ naath rɛy Yecu min nhɔk kɔn.

Ɣän carä jɛ ɛn ɣöö bɛ̈c bɛ̈ɛ̈c ti täämɛ ti /cikɛ bi pa̱a̱r kɛ puɔny gɔɔyä min ba nyuɔ̱th kɔn.

Ɛŋu bi kɔn da̱a̱k ɔ kɛ nhök Kritho? Bɛ a cuɔ̱c, kiɛ bɛ̈c, ciaaŋ jiääk, buɔth, ciaŋ juutdä, riɛk bɛcä teekä, kiɛ ko̱r köör?

Kä Kuoth in go̱r lo̱c nath, ŋäcɛ min caar Yiëë ɛ, kɛ ɣöö Yiëë la la̱ŋɛ kɛ kui̱ gan Kuɔth tin cɛ lɛy ce̱tkɛ min go̱o̱r Kuoth ɛ.

Kɛ ɣöö nɛy diaal tin bo̱o̱th Yiëë Kuɔth kɛ, kɛ gaat Kuɔth.

Kɛ ɣöö nɛy tin cieŋ kɛ ciaŋ ri̱eŋ, carkɛ wuɔ̱thkiɛn kɛ nyin ri̱eŋ. Kä nɛy tin cieŋ kɛ ciaŋ Yieekä, carkɛ wuɔ̱thkiɛn kɛ nyin Yieekä.

Jɛn Ram mi /ken Gatdɛ pa̱ny pën, kä cuɛ jɛ thöp kɛ kui̱dan, /cɛ kɔn bi ka̱m ŋɔak diaal bä kɛ jɛ kɛɛl?

Ɛ jɛn Yiëë ɛmɔ la neen kɛ yiëëdan ɔ i̱ kɛ kɔn gaat Kuɔth. Kä mi lapnɛ gaat, kɛ kɔn dieel dhɔaar Kuɔth pa̱ny, amäni ɣöö lapnɛ dieel dhɔaar kɛɛl kɛ Kritho, mi ruɔ̱tnɛ bɛ̈c bɛ̈ɛ̈c kɛ jɛ kɛɛl kä ba kɔn puany kɛ jɛ kɛɛl bä.

Kɛ kui̱c ɛmɔ ca̱r wec ran kɛ nyin ri̱eŋ tëëkɛ gɛ̈m kɛ Kuoth, kä /cɛ rɔ käm ŋut Kuɔth, ɛpuc /cɛ jɛ luth.

Kɛ ɣöö ɣɔw in ca cak lipɛ nyuth gan Kuɔth kɛ di̱t lɔaacdɛ kɛɛliw

Ŋäc kɔn ɛ ɛn ɣöö ɣɔw ro̱o̱tdɛ röt kɛ bɛ̈c mi ce̱tkɛ bɛ̈c däpä gatdä.