Popular Bible Verses from Röm 5

Share

Kä ci Kuoth kɔn nyuɔ̱thɛ nhökdɛ kɛ ɣöö mëë ŋuɔtnɛ ala ji̱ dueer cu Yecu li̱w kɛ kui̱dan.

Kä ŋa̱th kɛ mi bi ben /cɛ kɔn moc bath lɔaac, kɛ ɣöö nhök Kuɔth ca tiɛth rɛy lo̱cnikɔn Yiëë in Gɔaa in Rɛl Rɔ min ca ka̱m kɔn.

Min di̱t ni jɛn, ɛ tɛ̈th lɔaacdan rɛy cucädan kɛ ɣöö ŋa̱cnɛ jɛ cuɔ̱c no̱o̱ŋɛ ruɔ̱t, kä ruɔ̱t no̱o̱ŋɛ ciaŋ wutdä, kä ciaŋ wutdä no̱o̱ŋɛ ŋa̱th kɛ mi bi ben.

Kɛ kui̱c ɛmɔ, ca kɔn moc cuɔ̱ɔ̱ŋ kɛ ŋa̱th, ta̱nɛ kɛ mal kɛ Kuoth rɛy Kua̱ran ni Yecu Kritho. Ci Yecu kɔn nööŋ rɛy ŋäcä nho̱kä Kuɔth min te kɔn thi̱n. Kä liaknɛ rɔ̱ rɛy ŋäthädan kɛ nyuak gɔɔyä Kuɔth.

Ni mëë ŋot kɔn a thil lua̱ŋ, ɛn gua̱a̱th ɛmɔ pa̱ny ci Kritho li̱w kɛ kui̱ ji̱ dueeri.

Kä täämɛ ca kɔn moc cuɔ̱ɔ̱ŋ kɛ lia̱a̱dɛ, kä min di̱t ni jɛn, ba kɔn kän kä waŋ lɔaac Kuɔth kɛ Yecu.

Kɛ thil luthä raam kɛl, ca nɛy ti ŋuan jakä ji̱ dueeri, inɔ bä ba nɛy ti ŋuan jakä ji̱ cuŋni kɛ luth raam kɛl.

/Ciɛ jɛn kärɔa inɔ, liaknɛ rɔ̱ kɛ min ci Kuoth ɛ la̱t rɛy Kua̱ran ni Yecu Kritho, min ci kɔn luɔc maarä kɛ Kuoth.