Popular Bible Verses from Luk 8

Share

Kä ce̱t kuay tin ci pɛn muun mi gɔaa kɛ nɛy tin ca ruac liŋ kä ka̱pkɛ jɛ kɛ luth kɛnɛ lo̱c ti gɔw, kä bikɛ dɛy ti gɔw kuir kɛ li̱ep bitdä kɛnɛ dhieel.”

Kä ce̱t kuay tin ci pɛn rɛy jiɛn kuiyni kɛ nɛy ti ca ruac liŋ, duundɛ min wäkɛ dupdiɛn cu diɛɛr kɛ nyin wec muɔ̱ɔ̱n kɛnɛ gör riäŋä, kɛ nyin tɛthkä lɔaac kɛ kui̱ teekä, kä /ci dɛykiɛn lɛ ciɛk.

Kä ce̱t kuay tin ci pɛn guäth päämni mi kuiy mundɛ kɛ nɛy tin ca ruac liŋ, kä cua jɛ nhɔk kɛ tɛ̈th lɔaac. Kä duundɛ ɣöö thilɛ kɛ mɛy, kä kɛ gua̱a̱th mi tɔt kackɛ jɔk kɛ gua̱a̱th ɣɔ̱nä.

Cuɛ kɛ jiök i̱, “Ŋa̱thdun anikä?” Cukɛ dual, kä cukɛ ga̱a̱c, kä cukɛ ruac kärɔ̱ i̱, “Ɛŋa ɛn nɛmɛ, min ruacɛ kɛ a cäŋɛ ni jiɔam kɛnɛ muaŋ liɛŋkɛ ruacdɛ?”

Ce̱t kuay tin ci pɛn dup kɛ nɛy tin ca ruac Kuɔth liŋ, kä cu gua̱n jiäkni ben, cuɛ ruac ben naŋ lo̱cnikiɛn, kɛ ɣöö /cikɛ bi ŋa̱th, kä /cakɛ bi kän.

Thilɛ duɔ̱ɔ̱r mi ca tɛ̱̈ɛ̱̈ mi /ci bi jɔɔc. Kä thilɛ mi ca tɛ̱̈ɛ̱̈ mi /ca bi jakä ŋa̱ckɛ ɛ naath.

Mëë ci ciek ɛ ŋa̱c ɛn ɣöö /cɛ rɔɔdɛ luäŋ kɛ tey, cuɛ ben a lathɛ jɛ. Kä cuɛ rɔɔdɛ yuɔr piny nhiamdɛ, kä cuɛ luɔt kä min thiapɛ jɛ lat nhiam nɛɛni diaal, kɛnɛ ɣöö cu puɔ̱nydɛ cu gɔaa ni ɛn guäth ɛmɔ. Kä cu Yecu jɛ jiök i̱, “Nyaadä, ci ŋa̱thdu ji̱ jak kä gɔaa, wër kɛ mal.”

Cukɛ Yecu wä ker ni̱n, wäkɛ i̱, “Kuäär, Kuäär, muakɔ!” Cuɛ rɔ jiɛc, kä cuɛ jiɔam kɛnɛ muaŋ luek, kä cukɛ rɔ̱ ka̱p cuɔ̱ŋ, kä cuɛ piny käp ɛ kur.