Popular Bible Verses from Tuk 35

Share

Ɛ jɛn cu Kuoth ɛ ku jiök i̱, “Ɛ ɣän Kuoth in le̱ny buɔ̱mdɛ ti diaal, di̱eth rɔ kä a kuayku rëpkɛ rɔ̱, kä ɛpuc bikɛ a mat dööri ti ŋuan, kä bi rɛydiɛn tekɛ kua̱r ti di̱t. Ɛn mun ëë cä ka̱m A-bɛ-ram kɛnɛ Ay-dhɛk, ɣän bä, ka̱m ji̱ kä bä jɛ ka̱m kuayku tin ba ji̱ guɔ̱ɔ̱r bä.”

kä banɛ cu wä Beth-ɛl, kä ɛn thɔ̱ŋi ɣän bä Kuoth ëë ci palä liŋ guäth ëë ta̱a̱ rɛy rikä kä ci ɣä Ja̱a̱l rɛy jälikä diaal wä ta̱th yi̱k.”

Cuɛ jɛ jiök i̱, “Cɔalkɛ ciötdu i̱ Je-kɔb, kä a tɛmɛ ni ɛn walɛ a ji̱ /ca nyɔk kɛ ciöt i̱ Je-kɔb, kä a ciötdu la I-thɛ-rɛl.” Kä cua ciötdɛ cu cɔl i̱ I-thɛ-rɛl.

Ɛ jɛ nɔ, cu Je-kɔb ji̱ cieeŋdɛ kɛnɛ nɛy diaal tëë tekɛ jɛ kɛɛl cu jiök i̱, “Yɛn yia̱kɛ jɔɔk diaal tëë cia nööŋ kɛ yɛ kɛɛl röli kɔ̱kiɛn, kä jakɛ pua̱nykun kä gɔw, kä ruɔnyɛ rɔ̱ kɛ bieyni ti puɔth

Ɛn wa̱nɔ cu Kuoth Je-kɔb cu jiök i̱, “Jiɛcni kä ɣo̱thni Beth-ɛl, kä wër teni thi̱n, kä wër täthni ɣä yi̱k thi̱n, ɣän Kuoth ëë nyuth rɔ ji̱ runä mëë bari rɔ kɛ dämuɔɔr ni E-thɔ.”

Kä min wee kɛ mi muɔ̱nɛ cuɛ ciötdɛ cɔl i̱ Bɛn-oni, kä cu gua̱n ɛ cɔl i̱ Ben-ya-min.