Popular Bible Verses from Ɣöth 6

Share

Kɛ kui̱c ɛmɔ, yɛn jiökɛ ji̱ I-thɛ-rɛl i̱, ‘Ɛ ɣän Kuoth Nhial, ɣän bä yɛ kuëk raar lätni ji̱ I-jëp ti bɛ̈c bɛ̈ɛ̈c. Ɣän bä yɛ dhi̱eel raar yie̱e̱nädiɛn in bɛc bɛc, kä bä yɛ kän kɛ tet mi bumbum kɛnɛ luk mi di̱i̱t.

Ɣän bä yɛ ka̱n ala nɛɛkä, kä ba̱a̱ Kuothdun, kä bia jɛ cu ŋa̱c i̱ ɛ ɣän Kuoth Nhial Kuothdun ëë käm yɛ raar ɣa̱a̱cni ji̱ I-jëp.

Kä ɣän bä yɛ cu no̱o̱ŋ muun ëë cä yac i̱ bä ka̱m A-bɛ-ram kɛnɛ Ay-dhɛk kɛ Je-kɔb, kä ɣän bä jɛ ɣël yɛ. Ɛ ɣän Kuoth Nhial.’ ” Cu Muthɛ nɛmɛ la̱t ji̱ I-thɛ-rɛl, kä /kenkɛ jɛ liŋ kɛ kui̱ jiɛthä lɔaacdiɛn kɛnɛ kue̱ny ciɛŋä mëë yiankɛ ni kɛ.

Ɛn wa̱nɛ mɔ, cu Kuoth Nhial Muthɛ ku jiök i̱, “Täämɛ, bi mia̱a̱ bä lät kä Pɛro ni nɛn. Kɛ buɔ̱mdä mi di̱i̱t bɛ jɛ kuɔ̱k ɣöö bɛ kɛ jɛn wä. Bä jɛ jiök i̱ jak ni nɛɛkä ni ji̱ I-thɛ-rɛl kä wä raar.”