Popular Bible Verses from Roma 6

Share

Ara naye edumit ono eyyata, buo nesu onno osio 'to 'tulaŋ, ara esiorio ono asai, enne isiarak Hollum, onno ottu 'to te enoso iko Yesu Kristo, Lamonye hohoi.

Hèlaha luŋa eyyau ogottiere itai, nyio, ibiaŋata itai imanyati te Efahita; ati imanyati itai ta ayiji taji Hollum.

Enuhanio nyia ikonyi buo fe eye ikonyi te efuotuna batisimo, jio, oŋida bati emanya namanya aŋejuk, ihuo ninyia itubuhunierek Kristo toye ta aduaran Monye onno okuat 'to.

Hèŋatana aŋacio huattek hatai jio eyyau irari ehanita hirre arrohojak. Ati isiatta ahuattek hatai jio Hollum ihuo aati hunyia itubuhuni toye. Isiatta ahuattek hatai 'daŋ jio Hollum irari ehanita hirre ayijok.

Emijak jio isihonie nyia ahuattek hohoi eberien ikonyi likruce jio, oŋida bati ottohori ahuattek hohoi eberien hunyia omunoi 'to eyyau, jio oŋida ebeŋ ewon igolon ono eyyau.

Ihuo nyia buo fe, omijana luŋa jio, irata nyia itai ahayaak jio agolon ono eyyau. Ati te enoso hatai iko Kristo Yesu, imanyati itai ihuania amanya anna awak Hollum.

Ejio 'tadi anyio? Edulo 'tadi eyyautta oŋida ayiji taji Hollum ofuananio? Obeŋ 'tuŋ! Era ahayak alla awon eyyau. Aŋai ti eremik iduloro amanya te eyyau?

Itimoti ti itai jio, elle isiatta itai ahuattek hatai apiti iniŋiere obo atulo, irata itai luŋa apiti lia, elle iniŋiete itai; kuyya apiti hulo eyyau enne iyaŋuno 'to aye, kuyya apiti hulo aniŋio enne iyaŋuno 'to abisan ihosiere Hollum?

Ati humo jio Hollum! Nyio, duadi bu irata nyia itai apiti hulo eyyau, iniŋiete itai, ta atajia hatai 'daŋ, nelahode onno owon 'to jio ettiyenio ninyia ifuotuna itai. Ahouni itai jio agolon ono eyyau irari apiti hulo abisan.