Popular Bible Verses from Roma 14

Share

Nyio, obeŋ Olobie Hollum ara te eram ŋiyo iko te eram mata. Ati ara inyi te eram bisan, te nelik taji iko te eram muno, enne isiarak Loholio Olibo. Lia, elle igiama 'to jio Kristo te ekoi ihua ania, itamuno inyi Hollum buo fe aati ette iruhonia inyi.

Elle emanya hohoi, emanya a hulo Lamonye, buo elle eye, eye a hulo Lamonye. Tania, duadi bu emanya kuyya eye, era 'daŋ a hulo Lamonye.

Tania, ijiara luŋa edulo ejifatio erre hunne iyaŋunie 'to nelik taji iko etagolio huattek.

Tania, hédehina luŋa aŋocio hiram waati hullomuk. Ati igigiloti luŋa jio hèlaha obo jihatai ihanak obo ariŋ enne itafelejeŋ 'to kuyya enne itakuak 'to obo atulo jio eyyau.

Nyio, ojio Abuk Hollum jio, “Ojio Lamonye jio, ta arahan hoŋ a Hollum elle esu 'to, ofuonni adi aati 'daŋ ababo irigoŋo ihosiere hoŋ, itahabuye adi isi 'daŋ ababo nani.” Tania, efuo adi 'daŋ ababo iramana Hollum erre hunne ehan.

Ifuotuna aati hullo obeŋ eruk hosi ogol. Hètarisati ikosi te egigilita huttonosi.

Ŋai buo iyye iŋociere eram ono egiamak obo? Lamonye hosi fe hama oremik jiaran jio, oyyu egiama hosi kuyya orroho. Oremehini isi ihanio onno oyyu, nyio, oremik Lamonye iluak isi ihaniere ihuo nyia.