Popular Bible Verses from Efeso 6

Share

Nyio, ebeŋ erriomonio iko aati, ati erriomonio iko aminiaŋa hunno orrohoji 'to buo ajiohin hunno ogoli 'to, hunne ilohittohi 'to ihiji edou iko afau; isi hunia egoliti hunno owoni 'to jio oŋitek huna huno edumele.

Ihaniete erre hunia 'daŋ ta amojo; omojuna aluahio jio Hollum. Oduloro imojo ihuo iyyahatio Oloholio itai. Te eram ania, ihumata mijio, hèhoronia. Omojoti ta aati Hollum 'daŋ.

Iduhuna erremiti 'daŋ hunne isiarak Hollum jihatai irriomori iko Sittan, oŋida bati iremehina iwojuna enyobita honyi.

Ihuania, iduhuna erremiti 'daŋ hunne isiarak Hollum, oŋida iremehina iwojuna erumonia miorok itai, alla attu oloŋ erroho. Irasati adi itai imaji hatai, elle iwojuna itai afere ania many lisidi.

Oŋitek 'daŋ ijiara eruk hatai ara ihuo abuhu, oŋida iremehina igeruna awwa 'daŋ hunno owulori 'to ahima, hunno oŋoru Olorroho. Ijiara etalahuno enne ifuotuna itai jio Hollum ara ihuo olohuluk, buo ekiana Hollum enne isiarak Oloholio jihatai ara ihuo ademi erremit.

Tania, ihuhumata ahuattek. Ijiara elahode ara ihuo agas onno ottodoni ihuluk, buo abisan ara ihuo abilata enne iyyafani isuhe; buo awahan ittittoyere Asayyo Ayijok hunne iyaŋunie 'to nelik taji, ara ihuo amuha.

Isidi 'daŋ, ijiara aduaran iko agolon ono Lamonye itagol itai.

“Abaŋa monyohoi iko honyohoi”, efahi ania etteri onno owon 'to iko ecorit onno ojio 'to jio, “Oŋida erre 'daŋ oyiji jihoi, buo fe oŋida bati iyye imanya fur ifau ana.”

Aduri, abaŋata esiok hatai; nyio, ariŋ ania onno osiru 'to jihatai ihaniere ta arahan hatai a Kristiani.