Omijana jio, olo adi amanya igolon jio oŋitek esidita. Arai adi aati a haluok, aŋarujok, a hetadarak, a hagolok hossi, a hamorok waati, a hamiosok hesiok hosi. Ittallihi adi isi jiaran humo, buo fe ihari Hollum. Obeŋ adi abuaran taji iko amehino jihosi, arai adi isi a hamuaŋak, a hamunok 'lumo, aŋerejak, eharak yiji. Arai adi isi a hetinyiaŋak waati, awaati hulla amanyai arrusahania, hullo ottoho etadara. Omunoi adi isi ewahiti huattek, buo obiaŋara Hollum. Itihanie adi isi ahuattek ihuo amojok Hollum, buo ihari agolon honyi. Hènyiha jio aati ihuo hulia.