Popular Bible Verses from 2Korinto 1

Share

Hésiatta ahumo jio Hollum, Monye Yesu Kristo Lamonye hohoi, Monye ollo owon 'to iko amehino, inyi Hollum elle iyaŋuno 'to aluahio 'daŋ! Oluahio inyi hohoi jio ettigemita hohoi jio, oŋida bati eremik iluak hia hullo owoni 'to iko ettigemita gele gele, te eluahiti hunyia oluahiere Hollum hohoi.

Ihuo enne efuotuniere ettigemita arabotie iko Kristo, ihuo nyia buo fe efuotu adi aluahio Hollum enne ittokon arabotie ikonyi.

Awon nyia itajia hohoi jio aŋotoni naye jihohoi. Ati iduoŋi nyia erre hunia ihuo nyia jio, oŋida hohoi ebeŋ eyihi jio ahuattek hohoi, ati jio Hollum, etubuhoni hayaak.

Hollum, ta ahuan honyi, itagol hohoi ikatai, te enoso iko Kristo. Hollum, ta ahuan honyi, nyia buo fe igelu hohoi, ette isihonia emoi honyi jihohoi irari a hulonyi; buo fe itufutak Loholio Olibo itajia hohoi irari etahuti jio, erre 'daŋ hunno ottunak inyi to hohoi, arai adi luŋa ahunohoi.

Elle erumak hohoi ettigemita, arai isi iluahiere iko italahuniere itai; buo alla aluahi hohoi, aluahi buo fe itai ette isiarana agolon idihuniere dee ettigemita ihuo hunne edihu hohoi.