Popular Bible Verses from 1 TIMOTEYO 6

Share

Okiama bebe arracita ono neruk ania, oŋida ifuotu esiorio ono nesu 'tulaŋ. Nyio, inyi ania amanya ninyia iloŋuniere Hollum iyye to ninyia ipuloniere iyye eruk hoi ihosiere waati arriai.

Iyaŋuno amuno gurusi awoi iyyata 'daŋ gele gele. Awahi nyia omuk bebe agurusi, ania, idehinierek isi neruk hosi, ette irumana amijan onno orroho bebe itajia hosi.

Hode iyaŋuno ekoi enne emojori esamiti jihohoi, elle etaremehi atajia jio erre hunno owoni 'to jihohoi.

Anyio riŋ nyia enne eyaŋuno ifau dini? Obeŋ riŋ! Anyio riŋ 'tadi enne eremik iyaru addi jio afau ana? Obeŋ riŋ!

Asara asamak afau ana, hèlaha itadarai kuyya iyihini jio esamiti hunno oremehini ituho. Ati ijiara iyihini jio Hollum, elle isiarak 'to jihohoi te emorot erre ayijok hunne elobiari.

Ati hia, hulla awahi 'to asaman, imohi isi jio awoi huno ekemiti iko elohiti gele gele, ette ewahiti asai hunno orrohoji 'to irirehuna isi, ette ipihoro irrohoji, ette itamuhina.

Ihuma iramana isi ijiara ihanie onno oyyu, ijiara ihanie ehanita ayijok arriai, ijiara imoroti buo fe ohori asaŋ hosi iko aati hullomuk. Te ekoi ania, ihuhumani adi isi esamiti hunno ofuonni 'to irahan etawoji onno ogol jio amanya hosi ono moi, ania ette ifuanna ifuotuna nesu ahode hode.