Popular Bible Verses from 1 PETRO 5

Share

Ifuronia ehawwata hatai 'daŋ jihonyi, nyio, igigilo inyi tetai.

Irumana adi itai ettigemita obo kai, ati ottu adi Hollum ollo oyyu taji, ihan erre 'daŋ hunne iwahata itai, ette itagol eruk hatai, ette itagol atajia hatai, ette isiarana jihatai aduloro idihan. Hollum alia, linyia iloŋu 'to itai to Kristo, inosori jio akuatan honyi onno osio 'to 'tulaŋ.

Aŋata ossi, ihumata mijio! Sittan, amiottononi hatai, elle ilatta ihuo elemie elle igutta, ollo ottifia 'to obo atulo ihuanyari. Ihara inyi, ogottiette neruk hatai; nyio, imijana itai jio, ifau 'daŋ, arumani eruhok hullomuk ettigemita ihuo itai.

Tania, itafiahajata ahuattek hatai to hosiere Hollum, ollo ogol 'to agalik, oŋida akaf itai ahide alla attuba asaa honyi.

Ihuo nyia buo fe, ijiara luŋa itai nyarhalu ibaŋata amaruak. Hèlaha luŋa eruhok 'daŋ itadarai igiamari jio hullomuk; nyio, ojio abuk Hollum jio, “Iha Hollum etadarak, buo omuno afiahajak.”