Popular Bible Verses from 1Korinto 1

Share

Ati, Hollum, ta awahan honyi, nyia onyimu erre hunno ojiori aati jio arai a hirre asai, itanyahiniere alofiorojok ariri; buo fe onyimu afiahajak, itanyahiniere elettaha ariri.

Jio aati hullo ofuoi 'to ilitohina, arai asayyo huno naye Kristo ikruce ariŋ asai, buo jihohoi hulle efuo 'to italahuno, ara inyi agolon Hollum.

Nyio, ariŋ onno oleyo 'to ihuo emannaŋa Hollum, agalik olofioro tulo; buo fe ariŋ onno oleyo 'to ihuo afiahaji Hollum, agalik agolon tulo.

Ogottiere Hollum ecoriti honyi, Hollum elle iloŋu 'to itai iwanari jio amanya Lonyi honyi Yesu Kristo, Lamonye hohoi.

Attana ni itai illarak iko haniyarak hoŋ, ta afure Yesu Kristo, Lamonye hohoi, jio oŋida itai 'daŋ iruhoto ta ataji abotie. Hèlaha ebubuanya owon ihiji hatai. Inosoti arabotie, te egigilo abotie iko awahan abotie.

Tania, tahiai buo alofiorojok? Kuyya aati hulle iheni 'to? Kuyya ekianak hulo aŋasi huna? Itahutak tibuo Hollum jio, ara elofioro ono afau ana asai!