Popular Bible Verses from Math 24

Share

Ku nhiëër nu ë kɔc juëc piɔ̈ɔ̈th abï liɛɛr, në ŋuëŋ bï kërac enyin ŋuak. Ku raan bï epiɔ̈u ruut aɣët të bï käŋ thök, yen abï kony wëi.

Ku wëlpiɛthkë wël ke Ciɛɛŋ abï ke guiëër kɔc ke piny nɔm ëbɛ̈n, agokï aa cäätɔɔ ë juöör nïïm kedhie, ku jɔ thök de käŋ bɛ̈n.

Ku we bï tɔɔŋ piŋ ku piɛŋkï jam de tɔɔŋ, tiɛtkï röt ke we cïï bï diɛɛr, kakë abïk dhil tïc kedhie, ku ŋoot thök de piny.

Jurë abï tɔŋ yiɛ̈n jurë, ku yïn ciɛɛŋë tɔŋ ciɛɛŋë, ku cɔŋdït abï nu, ayï jɔɔk ë kɔc thöl, ayï nieŋ ye piny rɔt niɛŋ, abïk nu tɛ̈ɛ̈n ku tɛ̈ɛ̈n. Ku kakë kedhie acïtkï kɛ̈c ee tik käc të kɔɔr en dhiëth.

Tënhial abï nyai ayï piny, ku wëlkï acïkï bï nyai ananden.

Kɔc juëc abïk bɛ̈n ë rinkï, bïk ku luelkï an, ‘Yɛn Kërtho kï, agokï kɔc juëc math.

E aköölkë ke we bï yiɛ̈n kɔc, kɔc bï we luöi kërac, ku näkkï week abäk thou, ku we bï maan ë juöör ëbɛ̈n në baŋ de rinkï. Kɔc juëc abïk piɔ̈ɔ̈th diu ë aköölkë, agokï röt nyiɛɛn kapäc, ku mankï röt kapäc. Ku tït aluɛth abïk röt jɔt ke ke juëc, agokï kɔc juëc math.

Go Yecu pɔ̈k nɔm keek an, “Tiɛtkï röt ke cïn raan bï week math.

Ku week, yak röt coc aya, thaar yak lueel an, cïï en bɔ̈, en abï Wën ë Raan thïn.

Yen aa wek röt tiit, wek kuc thaar bï Bɛ̈nydun bɛ̈n thïn.

Ku në këde ë köölë ayï ee thaarë acïn raan ŋic en, cakaa tuuc nu paannhial acïkï ŋic, ee Wäär etök, en aŋic e.

Kërtho aluɛth abïk röt jɔt kekë tït aluɛth, ku abïk göök dït aa nyuöth kɔc, ayï kagɛ̈iyë ke dït, ku aduëërkï kɔc cï lɔc gup cɔ̈k nïïm wei, të cï kek e lëu.

Ku acït man ë akööl ke Nowa ɣɔn thɛɛr, yen abï ciët bɛ̈n de Wën ë Raan aya. Acït man ɣɔn thɛɛr ŋoot amooldït wei, kɔc aake ye cam ku dëkkï, ku thiëkkï ku tɔkï duetken thiak, aɣet akööl ë le Nowa ë abëlic, ku kuckï aɣët bɛ̈n cï amooldït bɛ̈n, bï ku jɔt keek wei kedhie, yen abï ciët bɛ̈n ë Wën ë Raan aya.