Popular Bible Verses from Math 13

Share

Ku kë cï com ë tiɔɔm piɛthic, yen aye raan piŋ jam, ago yökic, go luɔk, kɔ̈k nyin tök abï bɔt bɛ̈ɛ̈i, ku kɔ̈k nyin tök abï thiërdhetem bɛ̈ɛ̈i, ku kɔ̈k nyin tök abï thiërdiäk bɛ̈ɛ̈i.

Ku kë cï com ë kuɔɔth yiic, yen aye raan piŋ jam, na wën ke diɛɛr ë ka ke pinyë nɔm, ku mɛth ee juëc de wëu raan math, ke ke nyiic jam, go cïï lok.

Të piŋë raan jam de ciɛɛŋ, ku cïï ë yökic, ke jɔŋ dïït rac bɔ̈, ago kë cï com ë yepiɔ̈u gɔp. Kë cï com ë kueer këc ka.

Ku kë cï com të nu kur, yen aye raan piŋ jam, go dap gam ënɔnthiinë ke mit piɔ̈u, ku acïn meeidɛn nu ë yepiɔ̈u, ee tɔ̈u tëthiinakäŋ tei, na miäk, të cï këril dhal en rɔ cak ayï yöŋ yɔŋ ë ye në biäk de jam, ke jɔ piɔ̈u dap diu.

Kääŋ däŋ, kï: Ciɛɛŋ de paannhial acït wëu piɛth cï thiaan domic, na wën, acï raan ke yök, ke ke thiɛɛn, ku jël, jɔ ka cath në yen lɔ ɣaac kedhie në miɛt mit en piɔ̈u ke keek, go domë ɣɔɔc.

Ku lööny kɔ̈k ë tiɔɔm piɛthic, agokï luɔk, kɔ̈k nyin tök abï bɔt bɛ̈ɛ̈i, ku kɔ̈k nyin tök abï thiërdhetem bɛ̈ɛ̈i, ku kɔ̈k nyin tök abï thiërdiäk bɛ̈ɛ̈i.”

Pälkï ë ke cil ëtök kedhie aɣet kööl ë tëm, ku kööl ë tëm, ke yɛn bï kɔc tëm yɔ̈ɔ̈k, an, Kankï wɛ̈ɛ̈l röör kuɛ̈ny bei, ku duötkï keek abï ke nyop, ku dhɛ̈ɛ̈thkï agamɔ ë adhaandï yic.”