Popular Bible Verses from 1 Kor 15

Share

Yen ka, wek mïthëkɔckuɔn nhiaar, yak kɔ̈ɔ̈c tëdun aril, duökï röt ë tɔ jäp tëdun, yak wenyïïn ŋuak në luɔi de Bɛ̈nydït ë aköölnyïïn kedhie, në ŋïny ŋiɛc wek luɔiduön ril nɔn cïï en ee kë ɣɔ̈ric ë Bɛ̈nydïtic.

Ku ënɔɔnë, Thieithieei në Nhialic, Raan ë wo tɔ tiam käŋ në Bɛ̈nydït Yecu Kërtho!

Duökï röt tɔ mɛthë: män mɛtë raan ke kɔc rac, yen aye ciɛɛŋ piɛth riɔ̈ɔ̈k.

Ku ee dhuëëŋ de Nhialic piɔ̈u, en atäu ɛn ë täudï: ku dhuëëŋ de yenpiɔ̈u dhuëëŋ cï yiɛ̈n ɛn, acie këɣɔ̈ric, yɛn ee luui arëët, ka wäär keek kedhie: ku acie yɛn ee luui, ee dhuëëŋ ë Nhialic piɔ̈u, en aye luui, dhuëëŋ ë tɔ̈u ke yɛn.

“Yïn thuɔɔu, winhduön ee yïn kɔc moc akou? Ayïk yïn, yïn raan ë thuɔɔu, tiëm tiɛɛm yïn kɔc akou?” Winh ë thuɔɔu en aye kërac, ku riɛl ë kërac yen aye löŋ.

Wɔikï, wek nyuöth këcïmoony an, wo cïï bï niin wodhie, wo bï röt puk wodhie, ëthiäu, cït man anieu de nyin, të koothë kaaŋ ciëën: kaaŋ abï kooth, go kɔc cï thou röt jɔt ke ke cïï bï dhiap, ka wo bï röt puk.

Ku luɔi ee yen raan yen ë bïï thuɔɔu, ka ye raan aya yen ë bïï jönërɔt ë kɔc cï thou. Acït man ë thouwë kɔc kedhie në Adam, yen acït pïïr bï kɔc tɔ pïïr kedhie në Kërtho.

Ku dhiapë abï kë cïï bï dhiap dhil cieŋ cït man ë lupɔ, ku bï këde thuɔɔuwë kë cïï bï thou dhil cieŋ.

Ku yen abï piny dhil cieŋ, aɣet të cï en kɔc de ater ë yen tuɛɛl ë yecök yiic piny. Raan de ater raan bï tɔ cïn naamde ë käŋ cök ciëën, yen aye thuɔɔu.