Popular Bible Verses from Worom 10

Share

Ala ɩ fʊ haan a fʊ nɛɛ chiir a fʊ pʊɔ 'yɛr ɩka, “A Kɩrɩsɩto lɛ ɩ a Soro,” na fʊ sɔɔn a fʊ nyãa wʊ jaa ɩka, Nãaŋmɩn ir wʊn a kũu pɔ, fʊn nyɛn faafʊ.

Bojũu a fʊ nyãa 'lɔ fʊn sɔɔ den lɛ na vɛ̃ ka a fʊ yele tor, ka a fʊ nɛɛ 'lɔ fʊn haan 'yɛr lɛ na faafʊ.

Sɩrɛ jaa lɛ ɩka 'yɛr fʊn ma wõ pɔ lɛ fʊ ma sɔɔ, ka a 'yɛrbie ala ban wõ ɩn a Kɩrɩsɩto 'yɛr.

Nɩtãa lɛ an sɛb a Nãaŋmɩn gãn pɔ, “Nɩrɛ 'lɔ jaa na sɔɔ de wʊ, vã kʊ̃ kpɛ wʊ ɛ.” Bojũu tɛɛ taa ba be a Juu nɩrɛ nɩ a 'lɔ na ba ɩ a Juu nɩrɛ ɛ. A Soro bʊ̃'yen 'lɔ̃nɔ̃ lɛ ɩ ba jaa Soro, na wʊ sʊ̃nɔ̃ a bala jaa na bʊɔlɔ a wʊ yuor. Bojũu a sɛb a Nãaŋmɩn gãn pɔ ɩka, “Bala jaa na bʊɔlɔ a Soro yuor ɩka wʊ sʊ̃ʊ ba, na nyɛn faafʊ.”

Ŋmɩnɛ lɛ ban ɩrɛ wa mʊɔl ka baa tʊ̃ ba ɛ? Nɩtãa lɛ an sɛb a Nãaŋmɩn gãn pɔ, “Nyɛ lɛ a bala na waara nɩ a 'yɛr nʊ̃ɔ gbɛɛ na vɩɛlɛ ka.”

Ŋmɩnɛ lɛ ban ɩrɛ wa bʊɔl a Nãaŋmɩn 'lɔ ban ba sɔɔ ɛ? Ŋmɩnɛ lɛ ban ɩ wa sɔɔ a nɩrɛ 'lɔ ban ba wõ a wʊ 'yɛr ɛ? Ŋmɩnɛ lɛ ban ɩrɛ wa wõ a wʊ 'yɛr ka nɩrɛ kɔ̃ɔ ba wa mʊɔl a wʊ 'yɛr kʊ ba ɛ?

Kɩrɩsɩto lɛ ɩ a nɛbinãa tɛɛfʊ jie, ka nɩrɛ jaa na sɔɔ de wʊ, wʊn vɛ̃n ka a nɩnyɩnɛ yele tor.