Popular Bible Verses from Le 20

Share

Inh Kră Yang 'Bok Kei-Dei iĕm, pơklaih boih iĕm đơ̆ng dêh Êyiptơ, đơ̆ng pơm đĭch đam. Minh 'nu Inh đĕch, iĕm 'nĕ kơ đei lu yang nai.

Iĕm 'nĕ kơ pơm lu rup man kơdih, kư̆m 'nĕ pơm rup ayơ nhen thoi tơmam tơ kơpal plĕnh ti, dah tơ ala teh âu, dah tơ lăm ala đak sŭng. Iĕm 'nĕ drap kơkuh 'bơ̆t anăp lu rup noh păng kư̆m 'nĕ kơ soi sơmah kơ lu sư, yua kơ Inh boih Kră Yang 'Bok Kei-Dei iĕm, Inh Kră Yang 'Bok Kei-Dei băt kơ gar, dah bơngai bu areh kơ Inh, Inh gô jô̆ yoch đơ̆ng sư na phak truh tơ kon sâu se sư pêng puăn jơhnơr

Athei chu yom kơ mĕ 'bă ih, wă kơ ih gơh arih sot tơ kơpal teh mă Kră Yang 'Bok Kei-Dei đei ăn.

Athei 'blŏk kơ năr tơpơh wă pơm năr giĕng.

Iĕm 'nĕ yua anăn Kră Yang 'Bok Kei-Dei iĕm wă pơma kư̆ kă, yua kơ Kră Yang ưh kơ achăng ôh bơngai bu yua anăn Kră Yang 'Bok Kei-Dei mă pơma kư̆ kă.

Iĕm athei pơm đĭ tơdrong jang kơdih lăm tơdrâu năr. Mă-lei năr mă tơpơh wă khan năr pơdơh kơ Kră Yang 'Bok Kei-Dei iĕm: Lăm năr 'noh ih, kon drŏ-nglo, kon drŏ-kăn, đĭch đam sem dơrong ih, dah tơmoi oei lăm hnam ih, 'nĕ kơ jang minh tơdrong kiơ ôh

'Nĕ 'nhĕng kơ hnam đe, kư̆m lê̆ kơ 'nhĕng akăn đe, dah đĭch đam drŏ-nglo, drŏ-kăn, rơmo, aseh, dah mŭk tơmam đe.

'Nĕ pơm kơdranh hơlĕnh kơ bôl buăl.

'Nĕ plah klo kăn đe, 'nĕ pơm pơyô kư̆ kă.

'Nĕ kơ pơlôch bơngai.

'Nĕ kơ tơtông klĕ.