Popular Bible Verses from Le 16

Share

Lu bơngai Isơrael khan kơ bre sư: Ô! Kơtrơ̆m lu nhôn jah lôch lăm tơpang ti Kră Yang tơ dêh Êyiptơ đĕch, kơplah oei jê̆ gŏ 'nhĕm păng sŏng sa phĭ! Mă-lei măr iĕm chông ba lu nhôn năm tơ tơmăn glă 'nâu wă kơ lu nhôn lôch đĭ kơ pơngot. Kră Yang khan kơ Môis: Inh gô ăn 'bĕng đơ̆ng plĕnh jur thoi 'mi kơ lu iĕm. Kon pơlei gô năm rim năr dônh, dônh tôm mah sa kơ năr 'noh, Inh wă pơlong lăng lu sư hăm đei pơm kiơ̆ thoi Inh athei dah ưh.

Lu bơngai Isơrael hil jŏk kơ Môis păng Arôn tơ tơmăn glă

Môis khan dơ̆ng: Lu iĕm gô 'bôh Kră Yang ăn 'nhĕm sa kơsơ̆ 'nâu, 'bĕng sa pơgê dơning, yua kơ Kră Yang kơtơ̆ng boih nơ̆r lu iĕm hil jŏk kơ Sư. Lu nhôn âu bu? Dôm nơ̆r lu iĕm hil jŏk ưh kơ trŏ kơ hil jŏk kơ lu nhôn ôh, mă tơpă noh iĕm hil jŏk kơ Kră Yang.

Inh kơtơ̆ng boih nơ̆r kon pơlei Isơrael hil jŏk. Na ih athei khan kơ lu sư: Gơsơ̆ kơnh lu iĕm gô sa 'nhĕm hrăp; pơgê dơning lu iĕm gô sa 'bĕng phĭ rơkah; na lu iĕm gô băt Inh boih Kră Yang 'Bok Kei-Dei lu iĕm.