Popular Bible Verses from Le 10

Share

Kră Yang khan kơ Môis, năm bĕ tơ Pharaôn yua kơ Inh pơm kơ sư păng lu bơngai bơ̆jang kơ sư đei jơhngơ̆m arăng, wă kơ Inh pơm tơ'bôh dôm tơdrong mơsêh Inh tơ lăm lu sư, wă kơ ih gô roi kơ kon sâu ih mơsêh tih-tin Inh pơm kơ kon pơlei Êyiptơ, dôm tơdrong mơsêh Inh pơm bơih lăm lu sư, wă kơ lu sư băt kơ Inh Kră Yang.

Kră Yang khan kơ Môis: Athei yơ̆r ti ih tơ plĕnh, wă kơ tơ jơ̆p-jang dêh Êyiptơ đei tơdrong măng mu hơ'bơ̆l gueo truh kơ lu sư chă hơbơ̆ pă bang, Na Môis yơ̆r ti sư tơ plĕnh, đei măng mu măng klăm gueo dêh hloi lăm pêng năr tơ dêh Êyiptơ; lăm pêng năr noh lu đe ưh kơ gơh 'bôh dih băl ưh kơ đei bu gơh chă rơrĭ tơ nai. Mă-lei lăm tơring kon pơlei Isơrael oei tơ noh đei hơdah jơ̆p-jang.

Thoi noh Môis yơ̆r hloi 'long jra sư tơklă tơ dêh Êyiptơ, Kră Yang ăn kial đơ̆ng gah hơlĕch dơhlu tơ dêh Êyiptơ prăt năr prăt măng. Truh pơgê dơning kial đơ̆ng hơlĕch tơthu anhăk ba lep truh tơ 'noh hloi. Lep jruh jơ̆p-jang lăm dêh Êyiptơ, sư jur 'bĕnh-'bang tơ lăm dêh noh. Lơlap lơlang, ưh tam mă đei ôh lep đơ̆ng sơ̆ khơ̆ ning-mônh đei lơ thoi noh.