Popular Bible Verses from 1 ޞަމޫއީލް 12

Share

އަހަރެންގެ ނަސޭހަތަކީ ކަލޭމެން ވެސް އެކަލާނގެއަށް ހިތުގެ ފުންމިނުން އަޅުކަންކޮށް މާތްރަސްކަލާނގެއަށް ކިޔަމަންތެރިކަމުގައި ދެމިތިބުން. ކަލޭމެންނާ މެދު އެކަލާނގެ ކޮށްދެއްވި ރަނގަޅު ކަންތަކުގެ މަތިން ހަނދުމަ ނައްތާނުލުން.

އެކަމަކު މާތްރަސްކަލާނގެ ވަނީ ކަލޭމެން ދޫކޮށް ނުލެއްވުމަށް ވަޢުދުވެ ވޮޑިގެންފައި. އެހެންކަމުން ކަލޭމެން އެއްލަވާލައްވައިފި ނަމަ އެކަން ވާނީ އެކަލާނގެ މަތިވެރި ނަންފުޅަށް ލިބޭނެ ހުތުރަކަށް. އެހެނީ އެކަލާނގެ ވަނީ ތިޔަބައިމީހުން ހޮއްވަވައި އިޚުތިޔާރު ކުރައްވާފައި.

ޞަމޫއީލްގެފާނު އެމީހުންނަށް ޖަވާބު ދެއްވިއެވެ. ”⁠ކަލޭމެން ދެން ބިރު ނުގަނޭ. ކަލޭމެންނަށް ތިޔަ އޮތީ ގޯސް ހެދިފައި. ދެން ވެސް މާތްރަސްކަލާނގެއަށް ފުރަގަސް ނުދީ ކިޔަމަންތެރިވުން މަތީ ދެމިތިބޭ. އަދި ކަލޭމެން ހިތުގެ އަޑިން އެކަލާނގެއަށް ޚިދުމަތް ކުރަމުން ގެންދޭ.

ބާޠިލް ބުދުތަކާ ދިމާއަށް ނުއެނބުރޭތި. އެހެނީ އެފަދަ ބުދުތަކަކީ ކަލޭމެންނަށް އެއްވެސް ފައިދާއެއް އެހީތެރިކަމެއް ދެވޭނެ އެއްޗެއް ނޫން. އެއަކީ އެއްވެސް ބާރެއް ހުރިއެއްޗެއް ވެސް ނޫން.