Popular Bible Verses from Romanos 6

Share

Porque te' cowa's quioyowa, ca'aŋde', pero Diojsistʌ saŋdzi'pa ja'n yayepʌ quenguy tʌta'm Ngomi Cristo Jesuspit.

Ja'nmij 'yaŋgui'mdaŋgue'temaj cowa's, porque ja'ndiyʌta'mamij aŋgui'mguquiʌ'mʌ, sino que te' yajya'moquiuquiʌ'mʌ.

Porque tumʌnipyajwa'ndʌ ñe'cʌji'ŋ quia'a'ŋojmošej nʌ'yʌ'yoquiu'yojmo. Y jujcha' winsa'u te' Cristo ca'yajupʌ'ojmoc Tyata Diojsis myʌja'ŋajcupyit, te'šejtijque' tʌta'm wa'ytyʌ ndu'ŋajtamu jomepʌ quengu'yojmo.

Uy tzi'oquia'tame mista'm ŋgüerpo's tyiyʌjanatiyʌ wa'mij ŋguiowapa'ttamu, ni wa'mis yacha'cuy ndzʌctamu. Tzi'oquia'tamʌ nwin Dioscʌsi jujcha' winsa'yajupʌ ca'yajupʌ'ojmoc. Y tzʌctamʌ justo'ajcuy mista'm ŋgüerpo's tyiyʌjanatiyʌpit.

Y muspatʌ que tʌta'm pecapʌ nwin tumʌma'mwa'a cruzcʌsi Cristoji'ŋ wa'y yaju tʌ nyatzitzoco'yajcuy, u'yandʌ aŋgui'mdamu cowa's.

Te'šejtijque' ca'uwʌšej tzʌctamʌ nwin u'yamij 'yaŋgui'mdamu cowa's. Pero quenbawʌšej tzʌctamʌ nwin Dioscotoya porque tumʌtzʌctamutʌ Cristo Jesusji'ŋ.

¿Tiya'ndʌ jeque ndzamba? ¿Maŋbajatʌ ŋgowapa'tjojcʌtʌjcu wa'y wyʌwa'u más te' yajya'moquiuy? Ja'ne nijutz. Porque jujche'ŋbʌndʌ ca'uwʌše'a ndzʌctamu nwin uytyʌ ŋgowapa'ttamu, ¿jutza'ndʌ maŋba ŋgowapa'ttaŋgue'tumaj?

¿Ja'nja mustame que iwʌcʌsimis ndzi'oquia'tamba nwin coyosašej wa'mis mato'ŋoyjaytyamu, te'wʌ'smijte' ŋguioyosata'm iwʌmis mato'ŋoyjaytyamba? Juca ŋguiowapa'tjojcʌtʌcpamij, maŋbamij ŋguia'u. Pero juca mato'ŋoyjojcʌtʌcjapyamis Dios, maŋbamij ñchi'tamu justicia ñe'cʌ's.

Nguioyosata'm mij inʌc cowa'sñe'. Pero nʌjapya'ʌs Dios yʌscotoya que yʌtij ndumʌtzocoy mis nʌ mato'ŋoyjaytyamu te' aŋma'yoquiuy ndzi'oquiu'yajtamupʌcʌsi mis nwin. Y como ŋguiotzoctamumij cowa'ojmoc, yʌtij ŋguioyosašejmij ñʌ'ittamu justicia's.