Popular Bible Verses from Romanos 4

Share

Jašutzišej quiomʌ'yʌ te' Diojsis chamdzi'upʌ tiyʌ, sino que wyʌ'aŋjamu que wiyuŋšejte'. Más pʌmipʌjcu wyʌ'aŋja'moquiuy, y wyʌcotzamu Dios. Tyumʌtzocoy wyʌ'aŋjamu Abraha'ŋis que muspa chʌjcu Diojsis mumu te' chamdzi'upʌ tiyʌ.

Yʌ'šej ja'yʌyu: Wʌwʌta'mbʌ pʌ'nis tyataše'ʌsmij ŋgojtu. Sunbate' ñʌmu, Diojsis wyi'naŋdʌjqui, porque Abraha'ŋis wyʌ'aŋjamu Dios. Yajwinsa'pa yʌ' Diojsis te' ca'yajupʌ, y chamba te' ja'ndiyʌpʌmaj jujcha' te'ya ijtupʌšej.

Te'wʌ chi'oquia'yaju wa'y quia'u tʌta'm ŋgowacotoya, y yajwinsa'u Diojsis wa'ytyʌ justococojtu.

Abraha'ŋis wyʌ'aŋjamu y jyo'cu u'ya inʌc jyo'cupʌ tiyʌ, wa'y tyata'u wʌwʌta'mbʌ pʌ'nis, porque yʌ'šej wina chamjayu Diojsis: Jene maŋba wyʌwa'u mis ŋgʌwo'ma.

Te'cotoya wʌ'aŋja'moquiupyit minba tyujcu te' tzamdzi'oquiuy yajya'moquiupyit, y wa'y itjojcʌtʌjcu mumu pʌngotoyata'm. Itjojcʌtʌcpa ja'n na' aŋgui'mguquiʌ'mʌ ijtyajupʌcotoya, sino que te'šejtijque' Abrahaŋšej wʌ'aŋja'moyajpapʌcotoya, porque ñe'cʌ te' tataj mumu tʌta'mne'.

Yʌ'šej nʌmu: Dichoso iwʌta'm Diojsis yajcotocoyjayajpa yacha'cuy y jyascotocoyjapya quiowa. Dichoso te' pʌn iwʌ tʌ Ngomi's ja'n ñʌcma'yʌyjay te' quiowa.

Porque ¿tiya' jeque chamba te' Totojaye's? Wyʌ'aŋjamu Abraha'ŋis te' Dios, y ñʌcma'yʌyu Diojsis justopʌšej te' wyʌ'aŋjamgupyit.