Popular Bible Verses from Romanos 16

Share

Diojsistʌ tzi'pa sʌ'mnaquiuy. Y jʌ'nʌ'andʌ maŋba yajmaŋgopajcʌyu Satanás tʌta'm ne'ŋbajcʌ'mʌ. Sunba'ʌs wa'y ijtu mi'ojmota'm tʌ Ngomi Jesucristo's yajya'moquiuy.

Pero nwa'cjaytyamba'ʌsmij atzita'm wa'mis ŋgoquendamu cuenta te' yajquipoto'ŋoyajpapʌ y yajwinduquiajpapʌ's Diojsis chame aŋmaytyamupʌmis. Tzactamʌ te'šejta'mbʌ

porque ja'nde' tʌ Ngomi Jesucristo's quioyosata'm, sino que ñe'ta'mde' šu'noquiuy chʌquiajpa. Y sa'sa yo'cata'mbʌ tzamepit 'yaŋgoma'cʌyajpa te' ja'n ñʌctʌ'yoyapyʌ choco'yojmo.

Wʌcotzamda'mitʌy Dios, te' muspapʌ'smij mbyaquitzi'tamu te' evangeliopit, te' yajmuspapʌ'stʌ Cristo. Ndzamgopuŋbatʌs yʌ' evangelio cʌwʌ'nupʌ inʌc ya'acta'mbʌ aŋsʌ'ŋojmo. Pero yʌtij Diojsistʌ nʌ yajquendamu te' tza'maŋwa'oye'sta'm tyotojayepit. Yʌ'šej aŋgui'mu te' ja'n yaye cho'tzepʌ Dios, wa'y mumu pʌ'nis myatoŋyaju yʌ' wina inʌc cʌwʌ'nupʌ tiyʌ, wa'y myato'ŋoyjayaju Cristocʌsipʌ wʌ'aŋja'moquiuy. Mʌja'ŋwʌcotzamda'mitʌy Jesucristopit yʌ' tumʌpʌ y mujsopyapʌ Dios mumu jamacotoya. Amén.