Popular Bible Verses from Romanos 1

Share

Porque ja'ʌs ŋgotza'ay te' evangelio, porque te'wʌ yajyospa Diojsis ñe' pyʌmipit wa'y yajcotzojcu jujche'ŋ wyʌ'aŋjambapʌ's, nimeque'ctij judío y te'šejtijque' griegota'm.

Porque te' evangelio'stʌ yajmuspa Diojsis jyusticia te' tzi'papʌtʌ cuando nwʌ'aŋjamba'ctʌ y porque nwʌ'aŋjambatʌ. Yʌ'šejte' ja'yʌyu: Te' jyustococojtyajupʌ pʌ'na wyʌ'aŋjamgupyit maŋba pya'tu quenguy.

Porque tiyʌta'mdʌ ja'n ŋguene Diojsisñe', jujcha'nde' ñe' ja'n yayepʌ myʌja'ŋajcuy y Diojsajcuy, quejyajpa desde que chʌjcu Diojsis te' najsacopac. Y te'šej ñʌctʌ'yajpa pʌ'nista'm te' tuquiajupʌ tiyʌpit. Te'cotoya ja'n na' tiyʌ cha'maŋjamyay.

Ñempe ispʌquiaju Dios, jamyʌja'ŋwʌcotzamya te' Dios, ni jañʌjaya yʌscotoya, sino que myʌja'ŋwʌcotzamyaju ñe'ta'm quipsoquiuy. Y te'šej te' jowita'mbʌ quipsoquiuy más jowi'ajyaju.

Yʌ'ta'mbʌ's chaquiaju te' wiyuŋšejpʌ tiyʌ Diojsisñe' wa'ytyij wyʌ'aŋjamyaju te' sutzi. Cujnayu'c quiʌna'tzʌyaju najsacopajcʌsipʌ tiyʌ Diojsis chʌquiajupʌ, wʌ'cte' inʌc quiʌna'tzʌya Dios, te' chʌjcupʌ's mumutiyʌ. Te'wʌ pyʌcpa wa'ytyʌ nwʌcotzamu mumu jama. Amén.

Porque te' tzajpojmopʌ Diojsis ñitzʌjcuwa'nde' wa'y yajnʌco'aŋgʌyaju te' ja'n quiʌna'tzʌpyʌ's y yacha'cuy chʌquiajpapʌ's y jujche'ŋ yajwinduquiajpapʌ's wiyuŋbʌ tiyʌ te' ñe'ta'm yacha'cupyit.

Te'wʌcotoya chaquiaju Diojsis wa'y chʌquiaju tza'ajcuytya'mbʌ tiyʌ. Te' yomo'sta'm chaquiaju te' pʌn nʌ'itcuy y chʌquiaju jyowi'ajcuy yoma'ŋdʌwʌji'ŋ. Te'šejtijque' te' pʌ'nista'm chaquiaju te' yomo nʌ'itcuy y tzi'sʌmyaju y pijtʌjcʌyaju ñe'co'mota'm, y chʌquiaju jyowi'ajcuy pʌ'nis pyʌndʌwʌji'ŋ. Yʌ'šej wyingʌša'yaju te' quioyowa pyʌcpašej ñe'ta'm tyocoquiu'yis. Y ñe'cʌ'sta'm quiomʌ'yaju juca ja'nde' 'yoyepʌ tiyʌ wa'y jyamwʌtzʌquiaju te' Dios. Te'cotoya Diojsis chaquiaju na' yacha'cuy wa'y quipšaju y wa'y chʌquiaju ja'n 'yoyeta'mbʌ tiyʌ.

Mujsoyešej chʌquiaju wyin, pero más jowi'ajyaju. Quiʌna'tzʌ'yaŋjejyaju te' mʌja'ŋbʌ y ja'n yayepʌ Dios wa'y quiʌna'tzʌyaju ca'yajpapʌ pʌ'nis pyʌñchʌqui, y palomachʌqui, macšcu'y ñe'ŋbacpʌ copʌndzʌqui, y tzandzʌqui.