Popular Bible Verses from ROMANOS 2

Share

Jich euk te jaꞌate te ya awichꞌ jkuenta te yane y jich mismo ya apas euk te tut ya spas te yane, ma me akuy te ya xkolat bael te ba kastigo yuꞌun te Diose. ¿Me ya apꞌaj te lom bayal slekil te xkꞌuxutayejat te Diose sok te ya to smaliyate? ¿Meꞌn ma xꞌanaꞌ te puersa ya kichꞌbetik slekil yoꞌtan te ya sujtes koꞌtantik ta skuentae?

Jaꞌ yuꞌun ma spas ya amak aba ta kꞌop, jaꞌat te ya awichꞌ jkuenta te yane, maꞌ awocheluk machꞌauk a. Teme ya awichꞌ jkuenta te yane, jaꞌat nax mismo ya awakꞌ aba ta chꞌayel. Porke tut yipalat ta yichꞌel ta jkuentae, jich mismo yipalat ta spasel euk.

Porke te Diose ma yauk nax ya stsa ta jtul ta cheb.

Porke ma jaꞌuk nax ya xꞌakꞌot ta libre yuꞌun teme la nax yaꞌiyik te mantaliletike, jaꞌ nax te machꞌatik ya xchꞌuunik te mantaliletike.

y ya me yaꞌbe stoj ta juju-tul chikan tut a te spasojlaneje.

Pero ya yaꞌbe kastigo sok yiliꞌba te machꞌatik ma xchꞌuun mantale, jaꞌ te machꞌatik skontrainej te tut batsꞌi jiche, y jaꞌ ya spas te tut ma lekuke.

Pero te jaꞌate, lom tulan awoꞌtan, y ma xꞌakꞌan ya asujtes awoꞌtan ta stojol Dios. Jaꞌat mismo yipalat ta sleel mas kastigo ta atojol te ya sta skꞌaalel te kastigoe, te kꞌalal ya xchiknaj te Diose, ya xtal yalbe ta jamal te machꞌa ya yichꞌ kastigoe