Popular Bible Verses from Masatarangana 14

Share

Itaru, siysat mangutis tsiyantayarus, Apanll kamachtarangu anoo watsitparee, tárintspa. Mishat, ambchee tputs yaktashchee punirintspa. ¿Mayaamaja punichich? watam nda waritachinllinawa. Chiyamariparee pangaa katungtarich sheeruch kachingachchee. ¿Chakaja anshucheem tputs tapachindaku tapachindach? watam iyaatsina Apanll waana ksutaruwa. Ashiriya, iynaa Apanllirini taaru ¿mayaamshitaja punichich? tárangana.

Mishat, Apaa, watam shiy nuw musá tsiyantama yasareezi, Tputsireetsi kapung chinakina. Tputs yutaritaatstaa nuwaa kuki nda payukana anootstaa, nuw kapung chinakuri yutaritshishirineetsi tachingina, tárangshawa, Apaa. Itaru, yuwaatsimari tputs shiyaa kukish kapeetarangsin, mantsirimash chinarangana anootsimari urutamari waneekush taachsha. Waparimand yutaritshishirini wipaatstam, wachinllinootstam, wachinllinootstam wip urutamari waniwantarush taachsha.

watam Apanll iyaa kapung chinaku wanasir ksutkuwa. Uru amb naakchuch, chiyaam kapung istachiya. Apanllsha iyaam anoo tsap wanasiree, maachi zapan katungats, mishat wakaratam mimir, kinduratam zapan taaru anoo chiyaamsha tsapuneemaritich panachiya.

Itaru, minumari nuw tputsiri, Kalebamari nuwaa kuki payurangiya. Izuuru zurampatari nuwaa k'keetsi tatsamoorangiya.

Ashiriya, shiyshat nuwaa kuki tputsee kamaningcha, Apanll shiyaa ateeja; Nuw Apanlltana; uru zurampatari k'keetsi tatsamchima yuwaa ashtachi anootsi. Watam nuw siyaa kukis mazinaranginawa.

Apanllsha Móysisee, ¿Ashinshtaja nishuch tputs yuw nuwaa niyrkana anin yusur nuwash tachiteechinllina? Mishat, ¿ashinshitaja nuwaa kuki zurkupari Apanll atiya, atusin nuwamun mang' tateechinllina? Yuwaa kamachtaki anoo nda payukanawa. Nuwaanaatsi wanasirimshiri tuyamandaktaati, anoo nda yasakanaya.

Ashirangsin, yuwshat zandkana anshat Móysisaa, Aaronaatstam mantsirsha ichingarusin tputs tsiyataranganaya. ¿Tamashtaja nda Ijiptoshuri tsap tsiparangini? Ambiritanaari tsiparanguni, ashireeja ningsha apusapsha tsap kiyung kachiyeeruch tsipachich, tárangusin

Anumunsha, Josueysha Nomarini wip, mishat Kaleb, Jefonarini wip ashirusin anshutam shanee ashiranganaya. Anshitisin, tsapoo nararangtamsinaya. Ashirucha, tputs zapan ngatarangana anoo parangusin, uwshtisin kapung mang' mantsarangusin, waanaatsi wamar putayarusin, izichiranganaya. Sheersin, uwshtisin Israelchichee tputs tsiyataranganaya; ¿Mayaamshitaja watsta táchich? watam iy naataranguni, tsap kizpur wanasir paranginiwa. ¿Tamareeja ashimaa chiyshat watsitpari táchich?

Itaru yuwaatsimari nuwaa kuki kapeetarangana anootsimari wanimaam waritaktana. Ashiriya, anin tputs nda ayamtaati yuwash nuw Kanaana tsap wanasirimshee ipusarangi anush nda taachinllinaya. Nuwaa wizpuriri wanasirimshee parangitaatssin, ashiritaa nda nuwaa kuki payurangusin, izuuru ngataranganaya. Wanipaja nuw kamachtakuri xapoorangi; Ijiptoshtam tsap, apuspitam tsap yap naatarangana anshutam xapoorangitamna. Zapancha sheenllina. Antaati nuwaa kuki payukazinllinaja. Ashiriya, nuw sirútama zitaminarneetsi, uru nuw siyachcheem chinllinis nee tsap Kanaana panachintspa tárangitaateena, ashiritaa natsha yuwamand nuwaa kuki kapeetarangana anumand ayamtaatiya anchich tputs minumtiyam nda Kanaanash tsap taachinllinaya.