Popular Bible Verses from Romanos 6

Share

Jeme tsʉ̱napay to'ctʉgʉyic mit ma̱jlat togoyáj, ni'c wename tanáj tso'guic por lo que iwatway. Po Dios iregala̱táj vida cacʉs̈ámpay pa jeme imutʉgʉygapay Cristu Jesús el Señor.

Migajatsʉ̱ngap domina̱tic mit ayé ma̱jlat ne is̈cajamanda̱tcap ayé ampay ley, po jinap Dios is̈manda̱tcap mit je' is̈moygap favor ni'c is̈wano'jcap.

Ni'c cuandu naninʉ'gutémgʉjʉj, natsʉ̱ngau as̈am ni'pijcatway mit Cristu ni'c na-o'jcau mit je'. Jat we'n pa nas̈aguepcawa'n nam vida as̈am Cristu i-ijtʉ nam vida ni'c Dios i-acjutucta̱c mit ipoder mam itsʉ̱nga á̱nimajat, mit jinap na-aguepcap nam vida pa nayo'yga yacs̈ic.

Ne camni-entrega̱tcʉjʉ pa is̈watcawa'n mal, te inwatcap we'n injayaumaygáj mal cosajat. Más oy pi ni-entrega̱tcʉjʉ mit Dios ni'c cʉs̈way in-ampay vidajat mit inaguepcanup nam vida. Mit entregá̱tca nu'pʉjʉn incuerpujat pa is̈jayaumaygawa'n Dios, mit we'n inwatcáj cosa oyway.

Najawigap ni'c ʉjtsat natsʉ̱ngau as̈am crucifica̱tic mit Cristu, mit we'n icʉs̈ na-ampay vidajat. Mit jinap nagajawangap mal cosajat iyo'tpay najo̱jtat, mit nagajatsʉ̱ngap domina̱tic mit ma̱jlat.

We'ney mijchat, pensá̱tca ni'c mitsʉ̱ngap as̈am o'guic pa pigajawatca mal, mit pensá̱tca-ey ni'c inaguepcap nam vida pa is̈servia̱tcajawa'n Dios. Inaguepcap nam vida ni'c inmutʉgʉygau Cristu Jesús el Señor.

¿Jinap ti nanʉmgáj? ¿Is̈jawiga nasiguia̱tcáj nas̈watca mal pa Dios nas̈moygáj más favor? Caje' we'n, ni'c natsʉ̱ngap as̈am o'guic pa nagajawátca mal, mit jinap ¿nat nasiguia̱tcawa'n nas̈watca mal?

Mijchat injawigap ni'c te inservia̱tcajap tu'c jayau as̈am mozojat, to'ctʉgʉyic intsʉ̱ngawa'n mit injayaumaygáj injaycat. We'ney te mitsʉ̱ngap to'ctʉgʉyic pa is̈watcawa'n mal, mitogoygáj. Po te injayaumaygap Dios, miyo'ygáj yacs̈ic.

Primeru mitsʉ̱ngau to'ctʉgʉyic mit ma̱jlat, po jinap nanʉ́mgaja Dios ni'ctiyu̱s̈ ni'c mijayaumaygap mit nu'pʉjʉn injo̱jtat, mit miyo'ygap yacs̈ic as̈am is̈ajque's̈cajau. Migajatsʉ̱ngap to'ctʉgʉyic mit ma̱jlat, po jinap inservia̱tcajap Dios mit miyo'ygap yacs̈ic.