Popular Bible Verses from El Apocalipsis 6

Share

Mit tʉn-is̈ tu'c cawa̱yu jeme pu'tsputsway, mit jeme iguitucu'tway inʉ'jy Anima ni'c i-ago'jcʉs̈p jayajwat, mit iguinatspoguiu ayé jeme iguarda̱tcʉs̈pay á̱nimajat cʉtʉm. Mit imoygau derechu pa iguidomina̱tcawa'n tu'c cuarta parte ayʉ̱́j mundu, mit iwatcáj tu'c tsuguin mit o'jcáj jayajwat mit yu', mit tu'ngʉjʉ̱́j pa i-o'jcawa'n, mit igui-ago'jcáj aníma̱jtat ma̱jlatway.

Mit tʉn-is̈ tu'c po'pcawa̱yu, mit jeme iguitucu'tway ijtʉu tu'c arcu itutʉpay, mit imoygau tu'c corona pa iguicomwa'n, mit je' pichin pa ivencia̱twa'n mit oyau iguivencia̱t nu'pʉjʉn.

Cuandu igui-awa̱jts imucincuway sellu, tʉn-is̈ tu'c lugar mam isacrifica̱tca, mit tʉn-is̈cʉs̈au jem i-espíritujat ayé jayajwat jeme i-ago'jcaway ni'c icupʉjcau lo que inʉmway Dios, mit ni'c cotstacyo'ygau pa je'.

Mit cotscau mʉgʉc, inʉmgau: —Señor, mi̱ mitsʉ̱nap limpiu mit incumplia̱tp nu'pʉjʉn. ¿Hasta jutim is̈juzga̱tcʉs̈wa'n jayajwat jeme tsʉ̱ngapay na̱s̈ni'c? ¿Hasta jutim is̈venga̱tcʉs̈wa'n ni'c ʉjtsat tʉs̈ago'jcau? Mit icutigatscau mit po'pjamuc, mit inʉmgajau ni'c ma po'cs̈ca jas̈ʉ̱n hasta tega-o'jcap japu̱t hermanujat jeme iservia̱tcajapay Cristu, ni'c je'jat o'jcámpey as̈amu je'jat.

Mit pichin jatu'c cawa̱yu jeme tsabatsway. Mit jeme iguitucu'tway imoygau poder pa igui-actsuguinwatcʉs̈wa'n jayajwat na̱s̈ni'cway, pa we'n jayajwat ma ni-ago'jcʉjʉ. Mit imoygau tu'c mʉjway espada.

Ni'c coyway ayé mʉjway s̈ʉjw pa Dios ijuzga̱twa'n, ¿mit pʉn oyáj iguimajmo' ayé?

Tʉn-is̈ cuandu igui-awa̱jts imuseisway sellu, mit nas̈ tu'c us̈ mʉgʉcway, mit s̈ʉwáy jat chi'ch as̈am tu'c yʉgʉcjamuc, mit po'wáy jat as̈am nipin. Mit ma̱tswájat tsajpni'cway ca'ugau na̱s̈ni'c, as̈am tu'c nojcujy icuca'u itʉjm cuandu iguicus̈ujip tu'c s̈e'm mʉgʉcway.

Igui-awa̱jts imutu̱gupay sellu, tʉnmarau iguinʉjm ayé tercerway ángel, inʉm: —Mi'n e'p. Mit tʉn-is̈ tu'c yʉgʉjcawa̱yu, mit jeme iguitucu'tway ijtʉu tu'c balanza icʉ'ni'c. Mit tʉnmarau icojts tu'c mam itsʉ̱nga ayé mactas̈p ángejlat, inʉm: —Itáj tu'c yu' mʉgʉcway, diez pesos pa tu'c kilu trigu, mit diez pesos pa tu̱gup kilu cebada, po moyga laj ma it aceite de olivu mit vinu.

Mit i-is̈togoygau tsajp as̈am tu'c noc sadatsicway, mit nu'pʉjʉn copac na̱s̈ni'cway mit nu'pʉjʉn copac-ajw nʉ'jugumay itigatscau ilajat. Mit rejyat na̱s̈ni'cway, mʉjayajwat, ricujat, capitájnat, jeme itcʉjʉpay poder, mit nu'pʉjʉn mozojat mit jeme yo'ygapay libre, niguyu'tscʉjʉu cʉtni'jcat mit tsa'cʉtʉjmat itpay copacni'jcat.