Popular Bible Verses from El Apocalipsis 11

Share

Mit imusieteway ángel i-acya̱s̈ itrompeta, mit cotscau mʉgʉc jeme tsʉ̱ngaway tsajpni'c, inʉmgau: El Señor Dios mit ayé Cristu jeme Dios icupi̱way, imanda̱tcáj nu'pʉjʉn na̱s̈at ayʉ̱́j mundujway mam imanda̱tca-ate jayajwat, mit je' manda̱táj pa nu'pʉjʉn tiempu.

Mit nu'pʉjʉn jayajwat awa'nigau, po coyway s̈ʉjw pa is̈juzga̱tcʉs̈wa'n, mit coyway tiempu pa is̈juzga̱tcʉs̈wa'n o'guijcatway, mit inmoygʉs̈áj ipremiujat ayé profetajat jeme is̈servia̱tcajaway, mit inmoygʉs̈ámpey ipremiujat injayajwat jeme is̈-oyninʉmgapay, mʉjayajwat mit jeme camʉjninʉ̱́mijcatway, mit inactogoygʉs̈áj jeme i-actogoygapay jayajwat.

Mit tʉnajyu'táj mechc tʉntestigujat ma nʉmdacyo'yga pa mil doscientos sesenta s̈ʉjwat, mit icomgáj yʉgʉcjamuc.

Po icʉs̈ tu̱gup s̈ʉjw mit pu̱t, Dios igui-acjutucta̱jcau, mit nitenda̱jcʉjʉu. Mit jeme igui-is̈caway, pʉ̱jtʉgʉygau.

Ayé testigujat itcʉjʉp poder pa igui-atujcawa'n tsajp magaca'u tu̱ en ayé s̈ʉjwat inʉmdacyo'ygawa'n. Mit itcʉjʉp poder pa nʉ' igui-acpitujcawa'n nipin, mit pa igui-acmingawa'n nu'pʉjʉn castigu na̱s̈ni'c, mit iwatcáj ayé pʉjʉn veces iguiwangawa'n je'jat.

Mit ayé mechc testigujat ayé as̈am ayé mechc olivucujyat mit as̈am ayé mechc ta'cs̈anyagajnat, ni'c je'jat tenagap mam itsʉ̱na Dios jeme iwatway na̱s̈. Mit te tambʉn iwamp iguiwatcajáj mal, pichináj jʉjn i-auni'jcat, mit je'jat icʉs̈cáj imutsuguijnat. Mit pʉmba'tu iwa'námpay iguiwatcajáj mal, wename-ey itp ti i-o'jcawa'n.