Popular Bible Verses from Filipenses 1

Share

Cuandu chu̱chiu is̈cupʉjca ayé oyway noticia, Dios i-acchu̱chiu tu'c oyway yos̈ injo̱tni'jcat, mit tʉtsʉ̱nap seguru ni'c Dios siguia̱táj is̈majyigap mit je' icʉs̈áj ayé yos̈ i-acchu̱chiway mit mijchat hasta imi'nwa'n Jesucristu.

Jinap tʉnyo'jtap Dios pi is̈acniwangʉjʉc más, mit pi is̈actujawigac más mit pi is̈actu-entendia̱tcac nu'pʉjʉn. Pa we'n oyáj is̈cupíuga jeme más oyway, mit we'n mitsʉ̱ngáj limpiu injo̱tni'jcat, mit nepʉn is̈caculpa̱tcáj en ayé s̈ʉjw imi'nwa'n Cristu.

Ni'c te tʉtsʉ̱nap, oyáj más tʉs̈servia̱jta yam Cristu. Mit te tʉ-o'cp, tʉs̈pichijnáj más oy ni'c tʉtsʉ̱náj mit je' tsajpni'c.

Cada tʉnijawigʉs̈ mijchat, tʉnyʉjmap Dios ni'ctiyu̱s̈.

Niportá̱tcʉjʉ oy ni'c incupʉjcap Cristu i-oyway noticia. Pa we'n te nʉs̈p tʉ-e'pcʉs̈ o te tʉganʉs̈p, siempre tʉnwamp tʉs̈marawa'n ni'c mitsʉ̱ngap mʉgʉc mit Dios, mit minigupʉjcʉjʉp minu'pʉjʉjnat, mit milucha̱tcap pareju pa nu'pʉjʉn jayajwat ma cupʉjca ayé oyway noticia.

Tʉngawamp tʉwinchu̱cta'cwa'n, po tʉnyo'jtap Dios pa tʉgapʉ̱t tʉcotswa'n, pa we'n Cristu tsʉ̱náj más mʉjninʉmic ni'c tʉntunas̈p pa je'. Ni'c tʉnwamp Cristu ma tsʉ̱na mʉjninʉmic jinap mit pa siempre. Ca-itp ti tʉs̈-e'pwa'n te tʉtsʉ̱nap o te tʉ-o'cp.

Dios nas̈moygau tu'c mʉjway favor pa nas̈servia̱tcajawa'n Cristu, ni'c nacupʉjcap je' mit we'ney natunas̈cap pa je'.