Popular Bible Verses from Hebreos 1

Share

Mit je' tsʉ̱nap oymanac as̈amu Dios itsʉ̱na, mit je' ni-as̈amu mit Dios. Mit je' i-actambʉ'mp nu'pʉjʉn cosajat ni'c ijtʉp poder lo que inʉmpay, mit je'yu oyau nas̈chi'tcajap nu'pʉjʉn mal nawatcaway, mit cʉs̈ nitsʉ̱nda̱jcʉu i-oyimaycʉ'ni'c Dios, mit Dios tsʉ̱nap mʉjninʉmic yucm.

Dios imoygʉs̈ ámbanu profetajat ma mucotsca mayo'c viaje nate̱jtat, mit tigatsigo'c iguimucotscʉs̈. Po en ayʉ̱́j últimu s̈ʉjwat Dios nas̈mucotscawatu ni'c namáraugaja iway. Mit Dios itumuyac iway ma pʉctsou nu'pʉjʉn, mit je' itumuwat nu'pʉjʉn itpay en ayʉ̱́j mundu.

Ni'c ángejlat ayé espíritujat jeme mandajwatcapay, mit Dios i-acmingʉs̈p pa ma majyiga ijayajwat jeme nisalva̱tcʉjʉ́mpay.

Mit inʉmatu ilibruni'c: Mi̱, Señor, antes ichu̱chij nu'pʉjʉn, mi̱ inwat ayʉ̱́j mundu, mit inwat nu'pʉjʉn itpay tsajpni'c. Tsajp mit na̱s̈ togoygáj, po mi̱ mitamp pa siempre. Mit ayé cosajat ampayigáj as̈am tu'c jamuc icu-ampayi.