Popular Bible Verses from 2 Pedro 1

Share

Dios ijtʉp poder, mit jemni'c nas̈moygau nu'pʉjʉn cosajat nanesita̱tcapay pa ayʉ̱́j vida mit pa nayo'yga mit je'. Jinap Dios nas̈actu-is̈capcap Jesucristu, mit je' nas̈ya̱s̈cau ni'c je' mʉjo'c mit ʉjtsat, mit iwatp cosa majatway. Jemni'c nas̈yajcajau majatway promesajat jeme valia̱tcapay, mit jemni'c nas̈pʉctsóuga ayé vida iyacpay Dios, ni'c nacuyaguigaway ayé ma̱jlat itpay en ayʉ̱́j mundu, ni'c ayé ma̱jlat nas̈actogoygájate.

Jemni'c mijchat cuji'cs̈iga is̈watcawa'n ayʉ̱́j. Te micupʉjcap, watca-ey oy. Mit te inwatcap oy, inis̈capcáj más. Mit te inis̈capcap, nidominá̱tcʉjʉ. Mit te minidomina̱tcʉjʉp, inmajmoygáj más. Mit te inmajmoygap pruebajat, miyo'ygáj mit Dios. Te miyo'ygap mit Dios, inwangáj inhermanujat. Mit te inwangap inhermanujat, miniwangʉjʉ̱́j minu'pʉjʉjnat.

Ni'c te inwatcap we'n, más impʉjcáj maj mit Dios, migacandʉ'nyujcáj mit miyos̈watcáj más pa Dios, mit we'n inis̈capcáj iyacs̈ta'cway el Señor Jesucristu.

Jemni'c hermanujat, cuji'cs̈iga is̈watcawa'n oy, pa we'n mitsʉ̱ngáj seguru ni'c Dios is̈ya̱s̈cau mit is̈cupiugau. Ni'c te inwatcap we'n, migaca'ugáj nunca.