Popular Bible Verses from 1 Timoteo 4

Share

Cammo' laj nepʉn is̈-e'páj menus ni'c miyaunaj, po yajcʉ́s̈a oyway ejemplu cupʉcpajyat. Ma jawiga ni'c oy lo que inyʉmpay mit oy lo que inwatpay. Ma e'pca ni'c inwamp Dios mit incuji'cs̈ip nu'pʉjʉn. Ma e'pca-ey ni'c incupʉcp Dios mit miyo'yp limpiu.

Ni'c oy s̈ʉ̱n nawátca ejerciciu pa nacuerpu, po te nawatp lo que Dios iwampay, ayé más oy pa nu'pʉjʉn navida, ni'c we'n Dios nas̈prometia̱tcajap tu'c vida oyway jinap, mit we'ney pa ayé tiempu mi'námpay.

Nicuidá̱jtʉ mi̱ mit pensa̱t oy lo que inajque's̈pay. Siguiá̱jta mʉgʉc lo que tʉnʉjmaway, ni'c te inwatp we'n minisalva̱jtʉ̱́j mi̱, mit we'ney jeme is̈maraugapay nisalva̱tcʉjʉ́mpey.

Po Espíritu Santu inʉmp claru ni'c en ayé tiempu mi'námpay cʉjtu'c icuyaguigáj lo que icupʉjcapay, mit imaraugáj mal-espíritujat nas̈we̱tcapay, mit imaraugajáj i-ama̱s̈an.

Cuyágui ayé ma̱lway cuentujat ni'c ayé puru we̱t-ampiu, mit cuji'cs̈i is̈watwa'n lo que Dios iwampay.

Mientras tʉcoyp mam intsʉ̱na, cuji'cs̈i is̈cotscʉs̈awa'n Dios ipalabra. Cuji'cs̈i-ey is̈ajque's̈cʉs̈awa'n cupʉcpajyat mit tsawigʉs̈.