Popular Bible Verses from 1 Juan 1

Share

Te nanʉmgajap Dios nu'pʉjʉn mal nawatcapay, najawigap ni'c je' cumplia̱táj mit iwatáj oy, ni'c nas̈perdona̱tcajáj nama̱jlat mit nas̈chi'tcajáj nu'pʉjʉn mal nawatcaway.

Po te ʉjtsat nayo'ygap mit Dios jeme tsʉ̱napay mam i-it luz, nanigupʉjcʉjʉp ʉjtsat, mit iway Jesucristu o'c pa ʉjtsat cunu̱s̈ni'c, mit jinap oyap nas̈chi'tcajap nu'pʉjʉn mal nawatcapay.

Te nanʉmgap ni'c naga-aguepcap nejʉmay mal, naniwe̱tcʉjʉp mit naganʉmgap lo que iyacs̈ta'cway.

Tʉnmaraugau lo que Jesucristu tʉs̈nʉmgajaway, mit tʉnʉmgajapey ni'c Dios ayé luz mit nes̈ʉ̱n cachitimit mam je' itsʉ̱na. Te ʉjtsat nanʉmgap ni'c namutʉgʉygap Dios po te nayo'ygapnaj mal, nawe̱tcap mit nagawatcap lo que iyacs̈ta'cway.

Te nanʉmgap ni'c naganiwatcap mal, nayajcap Dios as̈am we̱tpay, mit naganipʉctsougajap iyacs̈ta'cway lo que Dios inʉmpay.