Popular Bible Verses from 1 Corintios 15

Share

Tʉnhermanujat tʉwangʉs̈pay, jemni'c siguiá̱tca mʉgʉc mit camcuyaguiga lo que incupʉjcapay. Watí̱jca ayé yos̈ is̈moygaway el Señor. Injawigap ni'c caje' jalmanu ayé yos̈ inwatcapay pa el Señor.

Po nanʉ́mgaja Dios ni'ctiyu̱s̈ ni'c nagajapʉ̱tcáj na-o'jcawa'n, ni'c el Señor Jesucristu ivencia̱t ayé poder nas̈ago'cpay.

Pi is̈cawe̱jta̱jcac nepʉn. Te namunipʉjcʉjʉp maljayajwat, oyap nas̈actogoygap.

Po Dios tʉs̈moy may favor tʉ̱ját apóstol. Mit Dios tʉs̈camoyu favor jalmanu, po tʉyos̈wat más mʉgʉc que nu'pʉjʉn apóstojlat. Po caje' ʉ̱ tʉyos̈watp, Dios tʉs̈moy favor pa tʉyos̈wat.

Jinap togoyway ayé poder nas̈ago'cpay, mit nagajatsʉ̱ngáj pa siempre á̱nimacʉtni'c.” Na-o'jcap ni'c nawatcap mal, mit nawatcap mal ni'c nagajayaumygajap Dios iley.

Márauga, tʉ-actujawigʉs̈áj lo que Dios ijtʉway cuyu'tsic. Iyacs̈ta'cway naga-o'cpʉ'ngáj po tigatsáj naformajat nanu'pʉjʉjnat, mit ayʉ̱́j jatáj pe'bet, en tu'c winapi'chta'c. Mit jatáj iya's̈wa'n trompeta últimu s̈ʉjw. Ni'c ya's̈áj tu'c trompeta mit á̱nimajat jutucta̱jcáj mit cajatogoygáj nunca, mit ʉjtsat tigatsáj naformajat.

Ni'c como na-o'jcap ni'c tu'c jayau inʉ'jy Adán iwat mal, we'ney najutucta̱jcáj ni'c tu'c jayau inʉ'jy Cristu iwat oy. Ni'c como nu'pʉjʉn jayajwat o'jcap ni'c je'jat Adán ifamiliajat, we'ney nu'pʉjʉn jeme icupʉjcapay Cristu itcʉjʉ̱́j vida.

Mit nacuerpujat jeme togoyámpay itp ti ijatwa'n jeme catogoyámpay. Mit jeme o'gámpay itp ti ijatwa'n jeme ca-o'gámpay.

Ni'c Cristu itp ti imanda̱twa'n hasta iguivencia̱tcʉs̈wa'n nu'pʉjʉn imutsuguijnat. Mit cʉs̈wa'n i-actogoynú̱j últimu mutsuguin, ayé inʉmo'jcʉp ayé poder nas̈ago'cpay.