Popular Bible Verses from 1 Corintios 13

Share

Jeme iwampay ihermanu, ijtʉ̱́j calma mit jayawa'náj. Jeme iwampay ihermanu iga-anáj jeme ijtʉpay. Jeme iwampay ihermanu canimʉjninʉjmʉ̱́j. Iga-ofendia̱táj nepʉn, igache'náj lo que je'yu iwampay, ca-awa'niyáj, igapensa̱táj igui-acpitucwa'n mal.

Iganʉmáj neti te itunas̈p, nu'pʉjʉn icupʉgáj, nu'pʉjʉn i-atsʉ̱náj, imajmo'áj nu'pʉjʉn mit calma.

Caji'gáj ijo̱jt cuandu jayajwat iguiwatcawa'n mal, po ji'gáj ijo̱jt iguiwatcawa'n lo que iyacs̈ta'cway.

Mit jinap tanáj tu̱gup cosa oyway: Nacupʉcp, na-atsʉ̱nap jeme mi'námpay mit nawamp nahermanu. Po de ayʉ̱́j tu̱gup cosa, más oy nas̈wa'nwa'n nahermanu.

Jeme iwampay ihermanu nunca catogoyáj, po lo que inʉmgaway profetajat, jeme cotscapay en jatu'c ajwat mit jeme jinap i-is̈capcapay, nu'pʉjʉn aye'jat cʉs̈cáj.

Te ʉ̱ tʉcotsp as̈am jayajwat icotsca en jatu'c ajw o te tʉcotsp as̈am ángejlat, po te tʉngawamp tʉnhermanu, tʉjatáj as̈am tu'c pus̈an caya̱s̈pay oymanac o as̈am tu'c platillu i-acnipas̈cʉjʉpay mit caya̱s̈p oy.

Mit te tʉnajque's̈p lo que Dios inʉmpay, te Dios tʉs̈actujawip nu'pʉjʉn i-aguepay cuyu'tsic, te tʉnis̈cap nu'pʉjʉn, te tʉcupʉcp mʉgʉc hasta copajcat tʉnactutigatscʉs̈p ilajat, po te tʉngawamp tʉnhermanu, tʉgaje' neti.

Mit te tʉnacpas̈amp nu'pʉjʉn tʉnaguepay pa tʉs̈moygʉs̈wa'n ma cayga pro̱wijat, mit te tʉnyacp tʉncuerpu ma no'jca, po te tʉngawamp nepʉn, neti tʉs̈caservia̱jtap.

Cuandu ʉ̱ tʉtiticwáynaj, tʉcots, tʉpensa̱t mit tʉn-entendia̱t as̈am tu'c qui'chwáy. Po cuandu tʉjajt jayau, tʉncuyaguiu as̈am qui'chwájat ipensa̱tca.