Popular Bible Verses from Mateo 24

Share

Kediye ya nahalman di gaga-iho, ta hidiye nan ahi dakol nadah mangulug ke ha-on di makaan di naminhod dah ibbada. Mu hanan mangippol hi punholholtapanan adina iwalong di pangulug na ya ahi mihwang.

Hay mipanggep hi pun-ap-apuwan Apu Dios ya mituttudut inilaon am-in di taguh kabobboble. Ta deket nagibbuh tuwe ya madatngan moy kapoppogan di luta.

Ya ahiyu donglon di gubat hi kabobboble, nih-up ya nidawwi, mu adi kayu tumakut. Datuwey ahi ma-ma-at, mu bokon hidiyey kapoppogan di luta.

Am-in di kabobboble ya ahida munggugubat ya waday bitil ya kolyog. Datuwey kilappuwan di ligat.

Ahi mama-id di kabunyan ya luta, mu hay kalik ya munnanong ta nangamung.

te dakol di ahi umalin kanan day didah Kristo ta dakol day ahi mahaul.

Ahi waday tatagun mangipaholholtap ya mangipipate ke dakayu. Ya ahi dakayu hihingngitan am-in hi tatagu gapuh pangun-unudan yun ha-on. Ta dakol di ahi mangiwalong hi pangulug dan ha-on gapuh punholholtapan da. Ahida ipadpap di ibbada ya munhihingngitan da. Dakol di ahi munlangkak an kanan day profetas Apu Dios didat dakol di haulon dah tatagu.

Ot humangon Jesus an kananay “Halipat-an yu ta adi kayu mahaul

Athidin dakayun mahapul an midadaan kayu ta nangamung an munhood ke ha-on an Panguluwan di tagu te uggeyu inila hin kakon-anay kibangngadak.

Ta hidiye nan halipat-an yu te ugge nainilay aliyak an Apu yu.

Maid di ohah nanginilah aliyak takon nadan anghel hi langit ya ha-oy an Imbabalen Apu Dios. Hi Aman hi Apu Dios ya abuy nanginila.

Kalyon da dadiye te wadaday tatagun ahida kanan di didah Kristo weno kanan day profetas da, mu bokon da kaya. Dakol di ahida ipatiboh umipamodwong ta panaul dah tatagu. Takon nadan pinilin Apu Dios an tataguna ya patnaan dan haulon, mu adinadaman mahaul da.

Hay atoaton di tatagu hantuh ahik aliyan ya umat nadah inat di tatagu handih tiempon Noah an ammunay kakan, hay inum ya hay kalahinan day nonomnomon da. Mu indani ya nalbong di luta ot mungkakate da te uggeda nundadaan ot abuna da Noah an ugge nate te hinumgop da nah bapor.