Twɛn AWURADE.
Hyɛ wo ho den na ma wo bo nyɛ duru
na twɛn AWURADE.

Adeɛ baako na mebisa AWURADE;
na ɛno na mehwehwɛ;
sɛ mɛtena AWURADE fie
me nkwa nna nyinaa,
na mahwɛ AWURADE ahoɔfɛ
na mahwehwɛ no wɔ nʼasɔrefie.

AWURADE ne me hann ne me nkwagyeɛ;
hwan na mensuro no?
AWURADE ne me nkwa ahoɔden,
na hwan anim na me ho mpopoɔ?

Meda so wɔ saa anidasoɔ yi sɛ:
mɛhunu AWURADE ayamyɛ
wɔ ateasefoɔ asase so.

Wɔ hia ɛda mu no
ɔde me sie nʼatenaeɛ;
ɔkora me wɔ Ahyiaeɛ Ntomadan mu.
Ɔde me si ɔbotan so wɔ ɔsorosoro.

Popular Bible Verses from Nnwom 27

Free Reading Plans and Devotionals related to Nnwom 27