Popular Bible Verses from Nnwom 139

Share

Mekamfo wo, ɛfiri sɛ woyɛɛ me anwanwakwan so a ɛyɛ hu. Wo nnwuma yɛ nwanwa. Menim ɛno yie pa ara.

Hwehwɛ me mu, Ao Onyankopɔn, na hunu mʼakoma; sɔ me hwɛ na hunu mʼadwene. Hwɛ sɛ bɔne bi wɔ me mu a, na fa me fa ɛkwan a ɛkɔ daa nkwa so.

Na wo na wobɔɔ me honhom wonwonoo me wɔ me maame awotwaa mu.

wʼani hunuu me ɛberɛ a meyɛ mogya toa no. Nna dodoɔ a woatwa ama me no, wɔatwerɛ ne nyinaa wɔ wo nwoma mu ansa na emu baako reba mu.

Ao AWURADE, woahwehwɛ me mu na woahunu me.

Ɛhe na mɛtumi afiri wo honhom anim akorɔ? Ɛhe na mɛtumi adwane afiri wʼanim akorɔ?

Wonim mʼasetena ne me sɔreɛ; wofiri akyirikyiri hunu mʼadwene mu.

Ansa na mɛbue mʼano akasa no Ao AWURADE, na wonim ne nyinaa dada.

Wonim mʼadifirie ne me nnaeɛ; wonim mʼakwan nyinaa.