Popular Bible Verses from Nnwom 112

Share

Ɔte asɛmmɔne a, ɛmmɔ ne hu; nʼakoma atim wɔ AWURADE mu ahotosoɔ mu.

Monkamfo AWURADE. Nhyira nka onipa a ɔsuro AWURADE na ɔnya nʼahyɛdeɛ mu anigyeɛ pii. Ne mma bɛyɛ atumfoɔ wɔ asase no so; teneneefoɔ awoɔ ntoatoasoɔ bɛnya nhyira.

Nʼakoma wɔ banbɔ, na ɔnsuro; awieeɛ no, ɔde nkonimdie bɛhyia nʼatamfoɔ.

Esum mu mpo hann pue ma nnipa a wɔtene, ma ɔdomfoɔ, mmɔborɔhunufoɔ ne ɔnokwafoɔ.

Yiedie bɛba deɛ ne tirim yɛ mmrɛ na ɔde fɛm kwa. Yiedie bɛba deɛ ɔde atɛntenenee yɛ ne nneɛma so.

Ampa ara, ɔrenhinhim da biara da; wɔbɛkae onipa tenenee daa.