Popular Bible Verses from Nnwom 103

Share

Ao me kra, kamfo AWURADE, na mma wo werɛ mfiri ne nneyɛeɛ pa nyinaa

ɔno na ɔde wo mfomsoɔ nyinaa kyɛ woɔ na ɔsa wo nyarewa nyinaa, ɔgye wo nkwa firi damena mu na ɔde adɔeɛ ne mmɔborɔhunu bɔ wo abotire, ɔde nnepa ma wo sɛ wʼapɛdeɛ na wo mmeranteberɛ yɛ foforɔ sɛ ɔkɔdeɛ.

Ao me kra, kamfo AWURADE; na me mu adeɛ nyinaa nkamfo ne din kronkron no.

Sɛdeɛ agya yam hyehye no ne mma ho no, saa ara na AWURADE yam hyehye no ma wɔn a wɔsuro no

Sɛdeɛ apueeɛ ne atɔeɛ ntam ware no, saa ara na wama yɛn ne yɛn mmarato ntam kwan aware.

Mmɔborɔhunufoɔ ne ɔdomfoɔ ne AWURADE, ne bo kyɛre fu na nʼadɔeɛ dɔɔso.

Ɔrenhwɛ yɛn bɔne ne yɛn nni sɛdeɛ ɛfata na ɔrentua yɛn nnebɔne so ka sɛdeɛ ɛteɛ. Na sɛdeɛ ɔsoro ne asase ntam ware no, saa ara na nʼadɔeɛ so wɔ wɔn a wɔsuro no so.

AWURADE asi nʼahennwa wɔ soro, na nʼahennie di adeɛ nyinaa so.