Popular Bible Verses from 5 โมเซ 7

Share

ไมจ เปอะ เกือฮ ติ แตะ ยุง ตอก เฮี, มัฮ เยโฮวา พะจาว ยุฮ เปอะ เซ โน่ง ป มัฮ พะจาว. เอีจ มัฮ พะจาว เนอึม รพาวม ป ยุฮ ตัม ลปุง ซันญา แตะ อาึง ละ โม ป ฮรัก แตะ, ไม่ ยุฮ อื ตัม ลปุง ซตอก อื อาึง เซ. ซ เปลีฮ ลอป รพาวม ฮรัก ตอน ฮมัน แตะ ละ โม เซ ฮอยจ เฆียง เฮี แปน เปือน เจน ปุย อื.

ไมจ เปอะ ยุฮ ตอก เซ นึง มัฮ โม เปะ ปุย ซง่ะ ซงอม ละ พะจาว ยุฮ เปอะ. พะจาว เอีจ เลือก โม เปะ โอก ฮา เมือง ปุย ไฮญ เลี่ป ปลัฮเตะ ไม่ เกือฮ อื โม เปะ แปน ปุย ซัมคัน ยุฮ แตะ. เอีจ เมีญ โม เปะ แปน ปุย ไน แตะ.

มัฮ ฆาื ฮรัก พะจาว โม เปะ ไม่ ไตม อื ลปุง ซันญา ซโตฮ แตะ ไม่ โม จัตเจือ ไพรม เปอะ เซ. มัฮ เซ ป นัม อื โม เปะ โอก ฮา เมือง ป แปน เปอะ ครา เซีญ อื เซ ฆาื อื. มัฮ เกือฮ อื โม เปะ โปน ฮา อัมนัต ฟาโร ป มัฮ กซัต เมือง อียิป โฮ เบือ อัมนัต ระ ยุฮ แตะ.

พะจาว มัฮ โตว ฮรัก อื โม เปะ ไม่ เลือก อื โม เปะ นึง โฮวน เปอะ ฮา ปุย เมือง ไฮญ. โม เปะ รมัฮ เปอะ ฮา ปุย เมือง ไฮญ เตือง โอยจ อื.

ซ ไก โตว เมือง ปุย ไฮญ ป ซ โฮลฮ ป ไมจ ป ญุ่ก ตอก ซ โฮลฮ โม เปะ อื. โม ปรเมะ ปรโปวน ลลาึง เปอะ ซ ไก โตว ป ซแกต นึง ติ ปุย เนอึม. คอง เลียง คอง ดู่ เปอะ ปุ โรฮ ซ ซแกต ติ ตัว เนอึม.